ހުޅުމާލޭގައި އާ ޕެޓްރޯލް ޝެޑެއް ގާއިމުކުރުމުގެ މަސައްކަތް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)ން އިއުލާންކޮށްފިއެވެ.
އެޗްޑީސީން މިހާރުވަނީ ޕެޓްރޯލް ޝެޑް ހަދާނެ ބަޔަކު ހޯދުމަށް އިއުލާން ކޮށްފައެވެ.
އެޗްޑީސީން ކޮށްފައިވާ އިއުލާނުގައި ބުނެފައިވަނީ ހުޅުމާލެ ފުރަތަމަ ފިޔަވަހީގެ މުނިސިޕަލް ސަރވިސް އޮޕަރޭޝަން ސަރަހައްދުގައި ޕެޓްރޯލް ޝެޑެއް އެޅުމަށް ޝައުގުވެރިވާ ފަރާތްތަކަށް އެ ފުރުސަތު ހުޅުވާލާކަމަށެވެ.
އެޗްޑީސީން ބުނީ މި ޕެޓްރޯލް ޝެޑް ހެދުމަށް ޝައުގުވެރިވާ ފަރާތްތަކުން އަންނަ މަހުގެ 2 ގެ ކުރިން ބިޑް ހުށަހަޅަން ޖެހޭނެކަމަށެވެ.
ޕެޓްރޯލް ޝެޑު ހެދުމަށް ހުޅުވާލާފައި ވަނީ 100 އިންސައްތަ ދިވެހި ކުންފުނިތަކަށެވެ. ޕްރީ ބިޑް ބައްދަލުވުން އޮންނާނީ މިމަހުގެ 17 ގައެވެ.
ހުޅުމާލޭ ފުރަތަމަ ފިޔަވަހީގައި މި ވަގުތު ދެ ސަރަހައްދެއްގައި ޕެޑްރޯލް ޝެޑް ހިންގައެވެ. އަދި ދެވަނަ ފިޔަވަހީގައި ޕެޓްރޯލް ޝެޑެއް ހަދާނެ ބަޔަކު ހޯދަން އެޗްޑީސީން މިދިޔަ މަހު އިއުލާނުކޮށްފައިވެއެވެ.
