ފިޔަކޮށައި ހައްޔަރުކޮށްފައި ހުރި ފްލެމިންގޯ އެއް ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް އެންވަޔަރަމަންޓަލް ޕްރޮޓެކްޝަން އޭޖެންސީ (އީޕީއޭން) ހާމަކޮށްފިއެވެ.
އީޕީއޭ އިން ބުނީ ފުލުހުންގެ ބެލުމުގެ ދަށަށް ފުލެމިންގޯ ގެންދިޔައީ އެ ދޫނި ސަލާމަތް ކުރުމަށް ކަމަށާ، ފުލުހުންގެ ބެލުމުގެ ދަށަށް އެ ދޫނި ގެނެސްފައިވަނީ ހއ. ބާރަށުންކަމަށެވެ.
މި ފްލެމިންގޯ ފުލުންހުންގެ ބެލުމުގެ ދަށަށް ގެނެސްފައި މި ވަނީ ރާއްޖެއަށް ހިޖުރަ ކުރި ފްލެމިންގޯ ދޫނި ބައިގަނޑެއްގެ ތެރެއިން އެ ދޫނި ހައްޔަރުކޮށް އޭގެ ފިޔަތައް ކޮށައި އެ އަށް އުދުހިގެން ނުދެވޭނެހެން ހައްޔަރުކޮށްފައި ވަނިކޮށެވެ.
އަދި މި ދޫނި ފުލުހުންގެ ބެލުމުގެ ދަށަށް ގެންދިޔައިރު ލާހު ރަގަޅު ނޫންކަމަށް ވެސް އީޕީއޭން ބުނެއެވެ.
އީޕީއޭ އިން ބުނީ އެ ދޫންޏަށް ފަރުވާ ދިނުމަށް ޅ. މާކޯގައި އޮންނަ ކުޅިއަށް ގެންގޮސް ޑޮކްޓަރުންގެ އެހީއާއެކު ފަރުވާ ދެމުންދާ ކަމަށެވެ.
މިދުވަސްވަރު ރާއްޖެއަށް އައިސްގެން އުޅޭ ފްލެމިންގޯ ވިއްކަން އިއުލާން ކޮށްފައިވާ މައްސަލަ ވެސް އީޕީއޭ އާއި ފުލުހުންނާއި ގުޅިގެން އަންނަނީ ތަހުގީގު ކުރަމުންނެވެ.
ރާއްޖެއަށް ހިޖުރަކުރާ ދޫނިތައް ހިފުމަކީ މަނާކަމެކެވެ. މި ދޫނި ހިފާފައި މި ވަނީ މިފަދަ ދޫނިތައް ހިފައި ގޯނާ ކުރާ ފަރާތްތަކަށް ފިޔަވަޅު އަޅާނެ ކަމުގެ އިންޒާރު އީޕީއޭއިން ދީފައި ވަނިކޮށެވެ.
One Response
ތިހިންގީ ވަރަށް ވަރުގަދަ އޮޕަރޭޝަނެކެވެ. މަރުޙަބާ!