އެމެޒޮން އެއާ ގެ ކާގޯ މަތިންދާބޯޓެއް މިއާމީ އެއާޕޯޓަށް ވެއްޓުމުގެ ސަބަބުން ފަސްމީހުން މަރުވެއްޖެ ކަމަށް ޚަބަރު ލިބެއެވެ. މިހާދިސާ ހިނގަން މެދުވެރިވީ ބޯޓު ޖައްސަން އުޅުމުގެ ތެރޭގައި ރަންވޭން ބޭރަށް ބޯޓު ދިއުމުގެ ސަބަބުންނެވެ. މިހާދިސާގައި ފަސްމީހަކަށް ސީރިއަސް އަނިޔާތައްވެސް ލިބިފައި ވެއެވެ.

ޕުއޭޓޯ-ރީކޯ އިން ފުރައިގެން މިއާމީ އަށް ދަތުރު ކުރި ބޮއިންގ 300-767 ކާގޯ އެއާކްރާފްޓް ވެއްޓިފައިވަނީ އެތާގަޑިން މެންދުރުފަހު 2 ޖަހާއެހާއިރު އެވެ. ބޯޓުވެއްޓެމުން ދިޔައިރު، މަގުގައި ދުއްވަމުންދިޔަ އެތައް ވެހިކަލް ތަކެއްގައިވެސް ޖެހިފައިވާ ކަމަށް ޚަބަރުލިބެއެވެ.
ބޯޓު ވެއްޓެން ދިމާވި ސަބަބުން ހޯދުމަށް ލޯކަލް އިދާރާތަކާއި ގުޅިގެން މަސައްކަތް ކުރަމުން ދާކަމަށް އެމޭޒޮން އެއާއިން ބުނެފައި ވެއެވެ.