މާލެއިން ގެއްލިގެން ހޯދި މީހާ ފެނިއްޖެ ކަމަށް ފުލުހުން ބުނެފިއެވެ.
ގެއްލިގެން ހޯދީ ޅ. ނައިފަރު / ކަށިމާގެ، ފާޠިމަތު ނޫރާ (32އ) އެވެ.
ފުލުހުން މިއަދު ބުނީ 2026 މާރިޗު 4 ވަނަ ދުވަހުގެ 20:00 އެހައިކަންހާއިރު ފާޠިމަތު ނޫރާ ގެއިންބޭރަށް ދިޔަފަހުން ޚަބަރެއްނުވެ ގެއްލިފައިވާކަމަށް މާރިޗު 4 ވަނަ ދުވަހުގެ ރޭ 12:19 އެހައިކަންހާއިރު އާއިލާއިން ފުލުހުންނަށް ރިޕޯޓް ކޮށްފައިވާ ކަމަށެވެ.
އެގޮތުން މި މައްސަލަ ރިޕޯޓްކުރުމާ ގުޅިގެން، ފުލުހުންގެ ކަމާގުޅުންހުރި ހުރިހާ ބަހާތަކަށް އެ މައުލޫމާތު ހިއްސާކޮށް އޭނާ ހޯދުމުގެ މަސައްކަތް ކުރަމުންދާއިރު، ކުރެވުނު މަސައްކަތުން އޭނާ ފެނިފައި ނުވާކަމަށް ފުލުހުން މިއަދު ހެނދުނު ވަނީ ބުނެފައެވެ.
އޭގެ ފަހުން ފުލުހުން ބުނީ މިއަދު 11:20 އެހައިކަންހާއިރު ފާޠިމަތު ނޫރާ ގެއަށް ގޮސްފައިވާ ކަމަށާއި އޭނާގެ ހާލު ރަނގަޅުކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.
.
One Response
ރެސޯޓަކަށްބާ ދިޔައީ؟ ރޭގަނޑާ އެކު ގެއްލާ އޯވަރ ނައިޓަށް ގެއްލޭ އަންހެނެއްތޯ އެއީ ؟ ޢާ އިލާ ކުރެއްން އަހާލަދެއްވުން އެދެމެވެ. އެހެނީ ކޮންމެ ވީކެންޑް އެއްގައި މިހާރު އެކިޔާ ޑޭޓްކޮށްލަން ރެސޯޓްތަކަށް ކަނޑާލާ ބައިވެރު އަންނެހުން އެބަ ފެނެއެވެ. ކަދުރު ކަނީ ކަމެއް ނޭގެއެވެ. ކިޔަނީ ޑޭޑް ކޮށްލަން ދަނީ ކަމަށެވެ.!!