ޞައްޙަނޫން ތަޢުލީމީ ސެޓުފިކެޓުތަކުގެ މައްސަލަ ދަނީ އިތުރުވަމުން: ފުލުހުން

Loading

August 25, 2025
profile
Facebook
Twitter
WhatsApp
ޝަހީދު ހުސައިން އާދަމް ބިލްޑިންގ

މަތީ ތަޢުލީމާއި ވަޒީފާގެ ފުރުސަތު ހޯދުމަށްޓަކައި ޞައްޙަނޫން ސެޓުފިކެޓު ހެދުމުގެ މައްސަލަ ފަހަކަށްއައިސް އިތުރުވަމުން ދާކަމަށް، ދިވެހި ފުލުހުންގެ ޚިދުމަތުން ބުނެފިއެވެ.

ފުލުހުން ބުނީ، މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) އާއި ދައުލަތުގެ ކަމާބެހޭ މުއައްސަސާތަކާ ގުޅިގެން، މިފަދަ މައްސަލަތައް ތަޙުޤީޤުކުރަމުންދާކަމަށާއި، އަދި ބައެއް މައްސަލަތަކުގެ ތަޙުޤީޤު ނިންމައި ދަޢުވާކުރުމަށް ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައި ވާކަމަށެވެ.

ޞައްޙަނޫން ސެޓުފިކެޓު ހުށަހެޅުމާއި ބޭނުންކުރުމަކީ ދިވެހިރާއްޖޭގެ ޤާނޫނުލްޢުޤޫބާތުގެ 310ވަނަ މާއްދާ (ޞައްޙަ ލިޔުމަށް ބަދަލު ގެނައުމާއި، އެ ހަދާ ލިޔުން ނަކާލުކުރުމާއި، އަގުހުރި އެއްޗެއް ނަކަލުކޮށް އަސްލުގެ ގޮތުގައި ދެއްކުން) އާއި، 311ވަނަ މާއްދާ (ލިޔުމާއި ރެކޯޑާއި އެހެންނިހެން ވަސީލަތްތަކާ ބެހުން) އަދި 312ވަނަ މާއްދާ (ޝަޚުޞު އޮޅުވާލުން) ގެ ދަށުން ގާނޫނީ ކުށެކެވެ.

އެހެންކަމާއެކު، އެފަދަ ކުށްތަކަށް އަރައިގަންނަ ފަރާތްތަކުގެ މައްސަލަ، މި މާއްދާތަކުގެ ދަށުން ތަޙުޤީޤުކޮށް ފިޔަވަޅު އަޅާނެކަމުގެ އިންޒާރު ފުލުހުން ވަނީ ދީފައެވެ.

ހަމަ އެއާއެކު، ހުރިހާ ފަރާތްތަކުން ވެސް، މޯލްޑިވްސް ކޮލިފިކޭޝަން އޮތޯރިޓީ ނުވަތަ ކަމާގުޅޭ އިދާރާތައް މެދުވެރިކޮށް، އެ ފަރާތްތަކަށް ހުށަހެޅިފައިވާ ސެޓުފިކެޓުތަކުގެ ޞައްޙަކަން ކަށަވަރު ކުރުމަށް ފުލުހުން ވަނީ އިލްތިމާސްކޮށްފައެވެ.

Loading

One Response

  1. ސައްޙަ ނޫން ސެޓުފިކެޓު އެއީ ސިޔާސީ ގޮތުން އެއިރެއްގައި އޮންނަ ސަރުކާރަކުން ސިޔާސީ ވަޒީފާ ދިނުމަށް ބަހަމުން ގެންދާ އެއްޗެއް އެކަން ހުއްޓުވާނެ ހިތްވަރެއް ޕޮލިހުންނަށް ލިބިގެން ނުވޭ އެއީ މަތީ އޯޑަރަށް މަގޫ ދަމާ ބައެއް

Leave a Reply to އާދަމް Cancel reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް