އދ.އަތޮޅު ފެންފުށީގައި ގެެއްލިގެން ހޯދަމުން ދިޔަ ހަތަރު އަހަރުގެ ކުއްޖަކު މޫދުގައި ނިޔާވެފައި އޮއްވާ ފެނިއްޖެއެވެ.
ފުލުހުން މަޢުލޫމާތުދޭ ގޮތުގައި އެކުއްޖާ ގެެއްލިގެން ރިޕޯޓް ކޮށްފައިވަނީ މިއަދުގެ މެންދުރުފަހު 15:20 ހާއިރުއެވެ. އަދި ހޯދުމުގެ މަސައްކަތް ކުރަމުން ދަނިކޮށް ކުއްޖާ ފެނުނީ މޫދުގައި ނިޔާވެފައި އޮއްވާ ކަމަށެވެ.
އެކުއްޖާ ސިއްޙީ މަރުކަޒަށް ގެންދިޔައިރު ވެސް ނިޔާވެފައިވާ ކަމަށް ސިއްޙީ މަރުކަޒާއި ހަވާލާދީ ފުލުހުން ބުނެފައި ވެއެވެ. މި ހާދިސާ ފުލުހުންދަނީ އިތުރަށް ތަޙުގީގު ކުރަމުންނެވެ.
