ރައްޔިތުންގެ މަޖިލީހުގެ އިންތިޚާބުގައި އަމިއްލަ ގޮތުން ވާދަކުރައްވައި މެންބަރުކަމަށް އިންތިޚާބުވި އިތުރު ބޭފުޅަކު ޕީއެންސީއަށް ސޮއިކުރައްވައިފިއެވެ.
ޕީއެންސީއަށް ސޮއިކުރެއްވީ ނޮޅިވަރަމް ދާއިރާގެ މެންބަރުކަމަށް އިންތިޚާބުވި މުޙައްމަދު ރަޝީދެވެ.
އަމިއްލަ ގޮތުން ވާދަކުރައްވައި ހޮވުނު އިތުރު 6 މެންބަރަކު ވެސް ވަނީ ޕީއެންސީއަށް ސޮއިކުރައްވައިފައެވެ.
އިއްޔެ ޕީއެންސީއަށް ސޮއިކުރެއްވީ ޑރ. އަނާރާ ނަޢީމް (ހުރާ ދާއިރާ) އާއި ޙަސަން ޒަރީރު (މަތިވެރި ދާއިރާ) އާއި އަޙްމަދު ޒަމީރު (މައްޗަންގޮޅި މެދު ދާއިރާ) އާއި އަޙްމަދު ރިޔާޒް (ތިމަރަފުށި ދާއިރާ) އާއި ޔާސީން ޢަބްދުﷲ (ނައިފަރު ދާއިރާ) އަދި ޢާޒިމް ޢަބްދުލް ޢަޒީޒް (ވިލިނގިލި ދާއިރާ) އެވެ.
މި ހުރިހާ ބޭފުޅުން ސޮއިކުރެއްވުމާއެކު ޕީއެންސީއަށް ލިބުނު ގޮނޑީގެ ޖުމްލަ އަދަދު ވަނީ 77 އަށް އިތުރުވެފައެވެ.