ކުނިކަހަން ހުރި މީހެއްގެ ގައިގައި ސައިކަލަކުން ޖެހި އެކްސިޑެންޓްވުމުން މަޑުނުކޮށް ދެ މީހަކު ފިލައިފިއެވެ.
ފުލުހުން މިއަދު ބުނީ އިއްޒުއްދީންމަގުގައި ކުނިކަހަން ހުރި މީހެއްގެ ގައިގައި އެ މަގުން ދުއްވާފައި ދިޔަ ސައިކަލަކުން ޖެހި އެކްސިޑެންޓެއް ހިނގާފައިވާ ކަމަށެވެ.
މި އެކްސިޑެންޓްގެ ރިޕޯޓުކުރީ ރޭ 23:17 ހާއިރު ކަމަށް ފުލުހުން ބުންޏެވެ.
ފުލުހުން ބުނީ މި އެކްސިޑެންޓްގައި އަނިޔާވި މީހާއަށް އައިޖީއެމްއެޗުގައި ފަރުވާދެމުންދާ ކަމަށެވެ. އެއީ 48 އަހަރުގެ ދިވެހި އަންހެނަކަށް ކަމަށް ފުލުހުން ބުންޏެވެ.
ފުލުހުން ބުނީ އެކްސިޑެންޓް ހިނގި ވަގުތު ސައިކަލުގައި ތިބި ދެ މީހުން މަޑުނުކޮށް ފިލާފައިވާ ކަމަށެވެ. އެގޮތުން އެ މީހުން ހޯދުމުގެ މަސައްކަތް ކުރަމުންދާ ކަމަށް ފުލުހުން ވަނީ ބުނެފައެވެ.
ފޮޓޯ: މިހާރު
One Response
އެކުދިން ހޯދާނެ ކަމެއްނެތް އެވާނީ ބަލި ކުދިން ކަމަށް….ހޯދިޔަސް އެކުދިން ދޫކޮށްލާނެ….ޙައްލަކީ ޢުމަރު.