މިިދިޔަ ސަރުކާރުގެ ބިންވެރިޔާ ސްކީމްގެ ދަށުން ގޯއްޗާއި ފުލެޓް ލިބޭނެކަމަށް ފައިނަލް ލިސްޓްގައި ހިމެނި ގެޒެޓުކޮށްފައިވާ ފަރާތްތަކަށް ރަޖިސްޓްރީ ހަދައިދީ އެ ފަރާތްތަކަށް ގޯތި ނުވަތަ ފުލެޓް ހަވާލުކުރުމުގެ މަސައްކަތް ކުރިއަށްދާ ކަމަށާއި މި ހަފުތާއާއި ކުރިއަށް އޮތް ހަފުތާގައި ރަޖިސްޓްރީ ހަވާލުކޮށް ނިންމުމުގެ މަސައްކަތް ހައުސިންގ މިނިސްޓްރީން ކުރާނެ ކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެއެވެ.
އެކްސްގައި ކުރެއްވި ޕޯސްޓެއްގައި ރައީސް ވިދާޅުވީ މި ހަފުތާ އާއި މިއަންނަ ހަފުތާ ތެރޭ ގޯތި އަދި ފުލެޓް ލިބޭނެކަމަށް ފައިނަލް ލިސްޓްގައި ހިމެނި ގެޒެޓުކޮށްފައިވާ ފަރާތްތަކަށް ރަޖިސްޓްރީ ހަވާލުކޮށް ނިންމުމުގެ މަސައްކަތް މިނިސްޓްރީއިން ކުރިއަށް ގެންދަވާނެ ކަމަށެވެ.
“ގޯތި އަދި ފުލެޓު ލިބޭނެކަމަށް ފައިނަލް ލިސްޓްގައި ހިމެނި ގެޒެޓުކޮށްފައިވާ ފަރާތްތަކަށް ރަޖިސްޓްރީ ހަދައިދީ ގޯތި/ފްލެޓް ހަވާލުކުރުމަކީ އަޅުގަނޑު ވައުދުވީ ގޮތަށް ކުރިއަށްދާނެ ކަމެއް.“
މީގެއިތުރުން ރައީސް ވިދާޅުވީ ބައެއް ފަރާތްތަކަށް ގޯތި ދީފައިވާ ބައެއް ތަންތަނަކީ ނުހިއްކާ ހުރި ތަންތަން ކަމަށްވާތީ، އެ ތަންތަން ހިއްކުމުގެ މަސައްކަތް މި ސަރުކާރުން ބާރަށް ކުރިއަށްގެންދާނެ ކަމަށެވެ. އަދި މި ސަރުކާރުން ކުރިއަށްގެންދާ ބޯހިޔާވަހިކަމުގެ ސިޔާސަތުތަކުގެ ތެރެއިން ގުޅީފަޅާއި ގިރާވަރުފަޅުން އިތުރު ބިން ހިއްކުމަށް ތައްޔާރުވަމުންދާކަމަށްވެސް ރައީސް ވިދާޅުވިއެވެ.
One Response
Varah rangalhah mifatu sarukaarun evisnee