ހުޅުމާލެ ދެވަނަ ފިޔަވަހީގައި ދެ ކާރެއް ޖެހި އެކްސިޑެންޓުވުމުން އެއް ކާރުގައި އިން މީހާ ފިލައިފިއެވެ.
މި އެކްސިޑެންޓް ހިނގީ ރޭ 11:40 ހާއިރު ކާމިލްދީދީ ސްކޫލު ކައިރިންނެވެ.
ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ މި އެކްސިޑެންޓުގައި އެއް ކާރުގައި ތިބި ހަތަރު މީހަކަށް އަނިޔާވެގެން ހުޅުމާލެ ހޮސްޕިޓަލުގައި ފަރުވާދިނުމަށްފަހު ދޫކޮށްލާފައިވާ ކަމަށެވެ.
މި ކާރު ދުއްވި މީހާގެ އަތުގައި ލައިސަންސް އޮންނަ ކަމަށް ފުލުހުން ބުންޏެވެ. ކާރަށް އެކިވަރުގެ ގެއްލުން ލިބިފައިވާ ކަމަށް ވެސް ފުލުހުން ބުންޏެވެ.
“މި އެކްސިޑެންޓްވުމުން މަޑުނުކޮށް ގޮސްފައިވާ ކާރު ހޯދުމުގެ މަސައްކަތް ފުލުހުން ދަނީ ކުރަމުން.“
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.
