ކުރިއަރ އަދި ޕޯސްޓް މެދުވެރިކޮށް ރާއްޖެ އެތެރެކުރި 2 ކިލޯއަށްވުރެ ގިނަ މަސްތުވާތަކެތި އަތުލައިގެންފިއެވެ.
މޯލްޑިވްސް ކަސްޓަމްސް ސަރވިސްއިން މިއަދު ބުނީ ސެޕްޓެމްބަރު މަހާއި އޮކްޓޫބަރު މަހުގައި ކުރިއަރ އަދި ޕޯސްޓް މެދުވެރިކޮށް ރާއްޖެ ގެނެސްފައިވާ ޕާރުސަލްތަކެއް ބަލައި ފާސްކުރުމުގެ ތެރޭގައި 2.389 ކިލޯގްރާމްގެ މަސްތުވާތަކެތި ފެނިފައިިވާ ކަމަށެވެ.
އޭގެތެރޭގައި ހިމެނެނީ 7 ސެޕްޓެމްބަރުގައި ކުރިއަރ މެދުވެރިކޮށް ޗައިނާއިން އެތެރެކުރި 510 ގްރާމް ސިންތެޓިކް ކެތިނޯންއާއި
28 ސެޕްޓެމްބަރުގައި ޕޯސްޓް މެދުވެރިކޮށް ނެދަލޭންޑްސްއިން އެތެރެކުރި 100 ގްރާމް ސިންތެޓިކް ކެތިނޯންއާއި 12 އޮކްޓޫބަރު ކުރިއަރ މެދުވެރިކޮށް ފްރާންސްއިން އެތެރެކުރި 989.6 ގްރާމް ސިންތެޓިކް ކެތިނޯންއާއި 19 އޮކްޓޫބަރު ކުރިއަރ މެދުވެރިކޮށް ޗައިނާއިން އެތެރެކުރި 520 ގްރާމް ސިންތެޓިކް ކެތިނޯންއާއި 25 އޮކްޓޫބަރު ކުރިއަރ މެދުވެރިކޮށް އިނގިރޭސިވިލާތުން އެތެރެކުރި 270 ގްރާމް މެފެޑްރޯންއެވެ.
މިތަކެތި މިހާރު ފުލުހުންނާ ހަވާލުކޮށްފައިވާ ކަމަށް ކަސްޓަމްސްއިން ވަނީ ބުނެފައެވެ.
