ފަލަސްތީނުގެ މުޖާހިދުންގެ ޖަމިއްޔާ، ހަމާސްގެ ހުރިހާ ހަރަކާތެއް މުޅިން ހުއްޓާލަން ޖެހޭކަމަށާއި، އިސްރާއީލާ ދެކޮޅު އެންޓި-ސެމިޓިކް ޚިޔާލުތައް ފަތުރާތީ އެ ޖަމިއްޔާ އުވައިލަން ޖެހޭކަމަށް ޖަރުމަނުވިލާތުން ބުނެފިއެވެ.
ބުރާސްފަތި ދުވަހު ނެރުނު ބަޔާނެއްގައި، ޖަރުމަނުވިލާތުގެ އިންޓީރިއަރ މިނިސްޓަރު، ނޭންސީ ފޭސަރ ވިދާޅުވީ، ހަމާސްގެ ހަރަކާތްތަކާއި، ހަމާސްއަށް ތާއީދުކުރުމުގެ ގޮތުން ހިންގާ ހަރަކާތްތައް ރަސްމީކޮށް މަނާކޮށްފައިވާނެކަމަށާއި، ހަމާސްއަކީ ޓެރަރިސްޓް ޖަމިއްޔާއެއްކަމަށް ޖަރުމަނު ވިލާތުން ދެކޭކަމަށެވެ.
”ހަމާސްއަކީ އިސްރާއީލު ނައްތާލުމަށް މަސައްކަތްކުރާ ޓެރަރިސްޓު ޖަމާއަތެއްކަމުން، އެ ޖަމިއްޔާގެ ހުރިހާ ހަރަކާތެއް އަހަރެން މަނާކޮށްފިން.“ ފޭސަރ ވިދާޅުވިއެވެ.
މިކަމާ ގުޅޭގޮތުން ވާހަކަދެއްކި ހަމާސްގެ އޮފިޝަލަކު ބުނީ ޖަރުމަނު ވިލާތުގެ މި ނިންމުމުން ހާމަވަނީ، ފަލަސްތީނުގެ ރައްޔިތުންގެ މައްޗަށް އިސްރާއީލުން ހިނގަމުންދާ އަނިޔާވެރިކަމުގައި ޖަރުމަނު ސަރުކާރުން ބައިވެރިވާކަން ކަމުގައެވެ.
”ޖަރުމަނުގެ މިނިންމުމުގެ ސަބަބުން އެގައުމުގެ ސިޔާސީ ފިކުރަކީ ހޮލޮކޯސްޓް ފިކުރެއްތޯ ސުވާލު އުފެދޭ.“ ނޫސްވެރިންނާއި ވާހަކަދައްކަމުން ލުބުނާނުގައި ހުރި ހަމާސްގެ އޮފިޝަލެއްކަމަށްވާ އޮސާމާ ހަމްދާން ބުނެފައިވެއެވެ.
ފޭސަރ ވަނީ ”ހަމާސްފަދަ ޖަމިއްޔާތަކަށް“ ތާއީދުކޮށް ނަޞްރުދޭ ޖަރުމަނުގެ ބްރާންޗެއްކަމަށްވާ ސާމިދޫން ނެޓްވޯކް ވެސް އުވައިލާފައެވެ.
One Response
އެއީ ޖަރުމަނުން އުފެއްދި ޖަމާއަތެއްތަ ؟