http://sandhaanu.today/22141/ އާައި ގުޅޭ…

     ހަވަރު ތިނަދޫގެ ރައްޔިތުން ރަށުން ބޭރު ކުރިއިރު އެރަށުގެ އާބާދީއަކީ 4800 އެވެ. މީގެތެރޭގައި ހިމެނޭ ގިނަމީހުން މިހާރު ވަނީ މިދުނިޔެ އާ އަލް ވަދާޢު ކިޔާފައެވެ.

    ރާއްޖެއަށް ބޮޑުތަދެއް ކުރިމަތިވި އެދުވަސް ވަރަކީ ހަވަރު ތިނަދޫގެ ރައްޔިތުން ރަށުން ފައްސާލި ދުވަސްވަރު ކަމަށް ވުމުން ބައެއްމީހުން އެ ހައި ހޫނުގައި މަރުވެ ގޮސްފައި ވެއެވެ. އަމިއްލަ ރަށުގެ އަމިއްލަ ވަޒަނުގައި މީހަކަށް ނުދަރާ އަމިއްލަ މަސައްކަތުން ކައިބޮއި އަމިއްލަ ފައިމައްޗަށް ތެދުވަމުން ދިޔަ ހަވަރު ތިނަދޫގެ ފަޚުތުވެރި ރައްޔިތުން ވަޒަނުން ބޭރުކޮށްލައި އެތަށްބަޔަކު މަރާލާއި އެތައްބަޔަކު ބަނޑަށްޖައްސާ ލަކުޑިތަކެއް މޫދަށް އުކާލާ ބީދައިން ތިނަދޫގެ ރައްޔިތުން މުޅިރާއްޖެ ތެރެއަށް ވަނީ ބުނެވޭގޮތުގައި އުކާލެވިފައެވެ. 

އެދުވަހުގެ އިޙުސާސްތަކަކީ އެ ބިރުވެރިކަމާއި އެ ނާމާންކަމާއި އެ އަނިޔާވެރިކަން ޙައްދުން ކައްސާލައިފި ކަމުގެ އިޙުސާސެވެ. ޒާހިރު ކިޔައިދެއްވި ގޮތުގައި ޖިންސުންލަތީފުން ޚިޞާރު ކުރުމާ ރޭޕް ކުރުން ތައްވެސް އެދުވަހު އޮތީ ހައްދުން މައްޗަށް ވުރެ މައްޗަށް ގޮސްފައެވެ. ގޭގެއަށް ސިފައިން ގޮސް ޢަނީމާ މުދާ އަތުލަނީކަހަލައެވެ. އެގެއެއްގައި ހުރި ރަނާރިއްސާ ގަހަނާކޮޅަށް ދާންދެންވެސް އަތުލިއެވެ. ޢަނީމާ މުދާކަމަށް ނިންމާ އެތައްބައެއްގެ ޙައްގު އޭރުގެ ސަރުކާރުން ވަނީ ފޭރިގެންފައެވެ.

     މި އަނިޔާވެރި ޢަމަލް ހިންގި ގިނަމީހުން ވަނީ މިދުނިޔެ ދޫކޮށްފައެވެ. ވަޒީރުލްޢަޒަމްގެ ވިދާޅުބަސް ފުޅުގެ އިތުރުން ސިފައިން ބާރުގެ ބޭނުންކޮށްގެން ވެސް އެތަށް ގެޔަކުން ގަހަނާ ފޭރުނުކަމަށް އެރަށުގެ ގިނަބަޔަކު ބުނެއެވެ.  ވައްތަރީ  މީ ކުޅުނު ހިންދީ ފިލްމެއްކަހަލަ އެވެ.

ހިރިހަމައިދި މޫސާކަލޭފާނަކީ އައްޑޫ އަތޮޅު ހުޅުމީދޫ އިން ހަވަރު ތިނަދޫއަށް ވަޑައިގެންނެވި މުދައްރިސެކެވެ. އެމަނިކުފާނަށް އޭރު އެރަށު މީހުން ކިޔާ އުޅުނީ އެދުރު މޫސާ އެވެ. އެއަށްފަހު އޮޅުވެރިޔާ މޫސާކަލޭފާނެވެ. އޭރުގެ ސަރުކާރުގެ ނަންހިނގާ ޢިއްޒަތްތެރި އެއްވެސް މެއެވެ. ހަވަރު ތިނަދޫގެ ރައްޔިތުންގެ ލޯތްބާ އިޙުތިރާމް ލިބިވަޑައިގެން ހުންނެވި ބޭފުޅެކެވެ. ހިރިހައިދި ކަލޭފާނަކީ ދައުލަތުން މޫސާ ކަލޭފާނަށް ދެއްވި ލަގަބެކެވެ.

     ހިރިހަމަދި ކަލޭފާނު މުއްސަނދިވީ އެމަނިކުފާނުގެ މިންނެތް ބުރަމަސައްކަތުންކަން ޔަގީނެވެ.

     އޭރުގެ ސަރުކާރުގެ ބޮޑުން ހަވަރު ތިނަދޫއަށް ދޭތެރެ ދޭތެރެއިން ޒިޔާރަތް ކުރައްވައި ހުރިހަމައިދި ކަލޭފާނާ ބައްދަލު ކުރައްވާ ހައްދަވަތެވެ. ހިރިހަމައިދި ކަލޭފާނަކީ އޭރު ދައުލަތާ ނުބައްދަލު މަހުޖަނެކެވެ. މާލޭގެ ޢިތްޒަތްތެރި ގިނަބޭފުޅުންނަކީ ހިރިހަމައިދި ކަލޭފާނުގެ ރަޙުމަތް ތެރީންނެވެ. 

މާލޭ ސަރުކާރުގެ އިސްބޭފުޅުންގެ ތެރެތެރޭގައި ހިމެނިވަޑައިގަންނަވާ ގިނަ ބޭފުންވަނީ ހިރިހަމައިދި ކަލޭފާނުގެ އަތްޕުޅުން ލޯނު ނަންގަވާފައެވެ. މިބޭފުޅުން ހަވަރު ތިބަދޫއަށް ވަޑައިގަތުމުން އެރަށުގެ ރައްޔިތުންގެ ހޫނު މަރުޙަބާތަށް ލިބެމުންދެއެވެ. އަދި ހިރިހަމައިދި މޫސާ ކަލޭފާނުގެ ދަރީންނަކީވެސް ހަމަ އެފަދައިން މާލޭގެ ޢިއްޒަތްތެރި ބޭފުޅުންނާ އެކުވެރި ބައެކެވެ.

      މާލޭގެ މިދެންވި ޢިއްޒަތްތެރި ބޭފުޅުން ހަވަރު ތިނަދޫ އަށް ވަޑައިގަތުމަށް ހަމަޖެހުމާއެކު އޮޅުދޫ ކަރައިން އެބޭފުޅުންގެ ފަރިއްކޮޅުތަކަށް ބޭނުންވާ ތަށިތަކާ ޖޯޑުފަދަ ތަކެތި ތައްޔާރު ކޮށްގެން ގެނެސް ހިރިހަމައިދި ކަލޭފާނު ހުންނަވަނީ ތައްޔާރު ވެގެންނެވެ. ދަންނަވަން މިއުޅޭވާހަކަ އަކީ އޭރުގެ ސަރުކާރުގެ ބޮޑުންނަށް ހިރިހަމައިދި މުސާކަލޭފާނު ބަހައްޓަވާ ގާތްކަމާ ކުރައްވަމުން ގެންގެންދެވި އިޙުތިރާމްގެ ވާހަކައެވެ.

    ރައީސް މުޙައްމަދު އަމީނުގެ އިރުއްސުރެން ކިލެގެފާނާ ހަމައަށްވެސް މިގުޅުންތައް އޮތީ ބަދަހިކޮށެވެ. ބުނެވޭ ގޮތުގައި، އެހެނަސް ވެލާނާގޭ ބޭފުޅުންގެ އަނިޔާވެރި ރޭވުމުގެ ދަށުން ރައީސް އަމީން އަވަހާރަކޮށްލި ހިސާބުން ހިރިހަމައިދި މޫސާކަލޭފާނާ ސަރުކާރާ ދެމެދު އުފެދިފައިވާ އެކުވެރި ކަމުގެ ގުޅުން ހީނަރުވެ ސަރުކާރުގެ ނަފުރަތުގެ އިނގިލި ހިރިހަމައިދި މޫސާކަލޭފާނުގެ މައްޗަށް އަމާޒުވެގެންދިޔައެވެ.

      ހަވަރު ތިނަދޫއިން ހަރިހަމައިދި ކަލޭފާނާ އެމަނިކުފާނުގެ ދެ ދަރިކަލުންނާ އަދި އެރަށުގެ ކަމުވިށިވެގެންވާ ގިނަ ޢިއްޒަތްތެރި ބޭފުޅުން ދެކުނުގެ 4 އަތޮޅު ސަރުކާރާއި ވަކިވެ އަމިއްލަވެރިކަމެއް ގާއިމްކުރަން އުޅޭކަމުގެ ތުޙުމަތުގައި ހަވަރުތިނަދޫ ފަޅުކޮށްލުމުގެ 2 އަހަރެއްހާދުވަސް ކުރިން މާލޭ ގެނެސް އެބޭފުޅުން ތިއްބެވީ މާލޭބަންދުގައެވެ.

      ހިރިހަމައިދި މޫސާ ކަލޭފާނާ އެކަލޭފާނުގެ ފިރިހެން ދަރިންނާ ހަވަރުތިނަދޫގެ ތަނަވަސްކަންހުރި ކަމުވޮށިވެގެންވާ އެންމެހައި ފަރާތައް ޖަލަށްލައި އަނިޔާކުރަމުން ގޮސް ޒަހަރު ދީގެން އަވަހަހާރަ ކޮށްލެވިފައި ވަނީ 1962ވަނަ އަހަރު ހަވަރުތިނަދޫ ރައްޔިތުން އެރަށުން ބޭރުކުރި ފަހުންނެވެ.

      ހަވަރު ތިނަދޫ ފަޅުކުރިއިރު އެރަށުގެ އާބާދީގައި 4800 ރައްޔިތުން އުޅެއެވެ. އޭގެ ތެރެއިން މަދު ބަޔަކު މެނުވީ މިހާރު ދުނިޔެއަކު ނެތެވެ. މީގެތެރެއިން މިހާރު ދިރިތިބި އެންމެހައި ފަރާތްތަށް ދިވެހި ދައުލަތުން ބަލަހަށްޓަން ޖެހޭނެކަމަށް ގަބޫލު ކުރަމެވެ. އިންތިގާލީ ކޮމިޝަނެއް އުފައްދާއި މި އަނިޔާގެ ވާހަކަ ތައް ޢާންމު ކުރުމަށްވުރެ ހަވަރު ތިނަދޫން ބޭލި ފަރާތްތަކަށް ބަދަލު ދެއްވުން މާރަނގަޅުވާނެއެވެ. 

މިދެންނެވި ލާއިންސާނީ އަނިޔާތަކުގެ ބަދަލު ނުލިބޭހާ ހިނދަކު މިއަނިޔާކުރުމުގެ ބައިވެރިންގެ ކައްވަޅުގެ ޢަޒާބަކަށް ލުޔެއް ނުލިބޭނެއެވެ. މިދެންނެވީ އޭރުގެ ސަރުކާރުން އަމުރު ކޮށްގެން ސިފައިން ކޮށްފައިވާ އަނިޔާތަކުގެ ބަދަލުގެ ވާހަކައެވެ.

      މުސްލިމް އުންމަތަކަށް ނިސްބަތްވާ ސަރުކާރަކުން މިފަދަ ލާއިންސާނީ އަނިޔާ ތަކެއް މާރަށެއްގެ އާބާދީ އަށް ކޮށް އެފަރާތްތަކަށް ބަދަލު ނުދީ ތިބުމަކީ ރަނގަޅުގޮތެއް ނޫނެވެ.

    ވީމާ މުސްލިމު އުންމަތަކުން ކޮށްފައިވާ މިދެންނެވި ލާއިންސާނީ އަނިޔާ ތަކުގެ ފުރިހަމަ ބަދަލު ދީ އެފަރާތްތަކުގެ މަޢާފަށް އެދުމަށް ސަރުކާރަށް ގޮވާލަމެވެ.

   ނިމުނީ…