ސްރީލަންކާގެ ޑައިރެކްޓާ އޮފް ޖެނެރަލް ހެލްތް ސާވިސަސްއިން ޑރ. އަސޭލާ ގުނަވަރުދަނާ ޖެނުއަރީ 27ވަނަ ދުވަހު ވަނީ ކޮވިޑްގެ ހާލަތުގައި އެގައުމަށް ޒިޔާރަތް ކުރާ ދަތުރުވެރިން އަމަލުކުރަންޖެހޭ ގޮތުގެ އައު ގަވާއިދުތަކެއް ނެރުއްވައި ކުރިން ޢަމަލުކުރަމުން ގެންދިޔަ ގަވާޢިދުތަކަށް ވަރަށް ބޮޑެތި ހަރުކަށި ބަދަލުތަކެއް ގެނެސްފައެވެ.

މި ގަވާއިދު ތަކުގައިވާ ގޮތުން ވޯކްވިސާ ނުވަތަ ދާއިމީވިސާއެއް އޮންނަމީހުންފިޔަވައި އެހެން ފަރާތްތަކުން އެގައުމަށް ދަތުރުކުރުމުގެ ކުރިން ޑިޕާޓްމެންޓް އޮފް އިމިގްރޭޝަން އެންޑް އެމިގްރޭޝަނުން ޤަބޫލުކުރާ ވިސާއެއް ހޯދަން ޖެހޭނެއެވެ. އެފަދަ ވިސާ ބޭރުގައުމުތަކުގައިވާ ސްރީލަންކާގެ އެމްބަސީއިނހޯދުމާއި މީގެ އިތުރުން ސްރީލަންކާއަށް ޒިޔާރަތްކުރާ ކޮންމެ ފަރާތެއްގެ އަތުގައި ޓްރެވެލް އިންޝުއަރެންސްގެ ގޮތުގައި މަދުވެގެން 50000 ޑޮލަރުގެ މެޑިކަލް އިންސޫރެންއެއް ކޮވިޑްގެ ބަލިކަމުގެ އެންމެހާ ކަމެއްގެ ކަވަރު އޮތުމާއި އޭގެ އިތުރުން ކޮވިޑަށް ފަރުވާ ކުރުމުގެ ގޮތުން 14 ދުވަހުގެ ހޮސްޕިޓަލައިޒޭނަޝަން ކަވަރއޮތުމާއި ހުރުމުގެ އެންމެހާ ޚަރަދެއް ކުރެވޭވަރަށް ފައިސާ ހުންނަން ޖެހޭނެ ކަމަށެވެ.

ކޮވިޑްގެ ޙާލަތު ކޮންޓްރޯލްކުރުމަށް ގެންވުނު މުބަދަލުގައ ސަބަބުން އެގައުމަށް ފަތުރުވެރިން ދަތުރުކުރުން ވަރަށް ބޮދުތަން ދަށަށްދާނެކަމަށް ބެލެވެއެވެ. މިހާރުވެސް ސްރީލަންކާގެ ދަރަނިބޮޑުވެ ބޭރުގެފައިސާގެ ރިޒާވްވަނީ އިނދަޖެހިފައެވެ.