ވައިގެ މަގުން ރާއްޖެ އަށް އެތެރެކުރަން އުޅުނު 18 ކިލޯގެ މަސްުތުވާތަކެތި އަތުލައިގެންފިއެވެ.
މޯލްޑިވްސް ކަސްޓަމްސް ސާވިސް އިން ބުނީ ރާއްޖެއަށް އެތެރކުރަން އުޅުނު 18 ކިލޯގެ މަސްތުވާތަކެތި އަތުލައިގަތީ މިމަހުގެ ދެވަނަ ދުވަހު އުމުރުން 28 އަހަރުގެ ބްރެޒިލްގެ ފިރިހެނެއްގެ އަތުން ކަމަށެވެ.
ކަސްޓަމްސް ބުނީ އެ އިދާރާގެ އޮފިސަރުންނަށް އޭނާއާ މެދު ޝައްކުކުރެވިގެން އޭނާގެ ލަގެޖު ބަލައި ފާސްކުރުމުން މަސްތުވާތަކެތި ފެނުނީ ލަގެޖު ތެރެއިން ކަމަށެވެ.
އެތަކެތި ޓެސްޓް ކުރުމުން ކޮކެއިން އަށް ޕޮޒިޓިވް ވެފައިވާ ކަމަށާއި ފެނުނު މަސްތުވާތަކެތީގެ ޖުމުލަ ބަރުދަނުގައި 18.857 ކިލޯ ގުރާމް ހުރި ކަމަށްވެސް ކަސްޓަމްސް އިން ބުނެއެވެ.
މި މަސްތުވާތަކެތީގެ މަގުމަތީ އަގު 94 މިލިއަން ރުފިޔާ އަށް އަރާނެ ކަމަށް ކަސްޓަމްސް އިން ލަފާކުރެ އެވެ.
ކ މޯލްޑިވްސް ކަސްޓަމްސް ސާވިސް އިން ބުނީ މަސްތުވާތަކެތި ރާއްޖެ އެތެރެކުރި މީހާއާއި އެމީހާގެ އަތުން ފެނުނު ތަކެތި ފުލުހުންނާ ހވާލުކޮށްފައިވާކަމަށެވެ.
