އިންޓަރ ޕާލިމެންޓްރީ ޔޫނިއަންގެ (އައިޕީޔޫ)ގެ ޑިމޮކްރަސީ އެންޑް ހިއުމަން ރައިޓްސް ކޮމެޓީގެ މެމްބަރުކަމަށް ފުރަތަމަ ފަހަރަށް ހޮވުނު ދިވެއްސެއްގެ ގޮތުގައި ރައްޔިތުން މަޖިލީހުގެ ހިންނަވަރު ދާއިރާގެ މެމްބަރު، އަދި މަޖިލީހުގެ ހިއުމަން ރައިޓްސް ކޮމެޓީގެ މުޤައްރިރުކަންވެސް ކުރައްވާ ޖީހާން މަހްމޫދު ހޮވިވަޑައިގެންފިއެވެ.
ޤާނުނު ހަދާ މަޖިލިސްތައް ތަމްސީލު ކުރާ ދުނިޔޭގެ ޖަމިއްޔާ (އައިޕީޔޫ)ގެ ޑިމޮކްރަސީ އެންޑް ހިއުމަން ރައިޓްސް ކޮމެޓީއަކީ ޑިމޮކްރެސީއާއި އިންސާނީ ހައްގުތައް ކުރިއެރުވުމުގެ މަސައްކަތްކުރުމަށް އައިޕީޔޫގައި އެކުލަވާލާފައިވާ ކޮމެޓީއެވެ.
މި ކޮމިޓީން ޑިމޮކްރެސީއާއި ހިއުމަން ރައިޓްސް އަށް ހުރި ގޮންޖެހުންތައްދެނެގަނެ، ގައުމީ އަދި ބައިނަލްއަގުވާމީ ފެންވަރުގައި ގާނޫނު ހަދާ މަޖިލިސްތަކުން ކުރަންޖެހޭ ކަންތައްތަކުގެ ގޮތުގައި ހުށަހެޅުމުން، މުޅި އައިޕީޔޫގެ މެމްބަރުންގެ މެދުގައި ގަރާރުތަކެއްގެ ގޮތުގައި އެކަންކަން ފާސްކުރެއެވެ.
ޖީހާން މަހްމޫދު އައިޕީޔޫގެ މަގާމަށް ހޮވިވަޑައިގަތުމުން އެކަމަށް މަޖިލީހުން ވަނީ މަރުހާބާ ކިޔާފައެވެ.
Hon. MP @JeehanJMS Chairperson of the Parliamentary Committee on Human Rights and Gender elected to @IPUparliament Committee on Democracy and Human Rights.
Hon. Speaker President @MohamedNasheed congratulated her and thanked all the countries who voted for her. pic.twitter.com/X5q1yppO8K— People's Majlis (@mvpeoplesmajlis) July 10, 2021
އަދި ޖިހާން އައިޕީޔޫގެ މަގާމަށް ހޮވިވަޑައިގަތުމުން އެކަން ފާހަގަކުރައްވާ ފޮރިން މިނިސްޓަރ އަބްދުﷲ ޝާހިދުވެސްވަނީ ރާއްޖޭގެ މަޖިލިސް މެމްބަރުން މިފަދަ މަގާމުތަކުން ފެނިގެންދިއުމަކީ އުފާކުރައްވާކަމެއްކަމަށް ވިދާޅުވެ ޖީހާނަށް މަރުހަބާ ފޮނުއްވާފައެވެ.
ހާއްސަކޮށް މިފަދަ އިސްރޯލްތަކުން އަންހެން މެމްބަރުން ފެނިވަޑައިގަތުމުން އެކަމާއި ފަހްރުވެރިވެޑައިގަންނަވާކަމަށް ވެސް މިނިސްޓަރ ޝާހިދު ވިދާޅުވިއެވެ.
Congratulations to Chairperson of Parliamentary Committee on Human Rights &Gender at @mvpeoplesmajlis, Honourable MP @JeehanJMS for being elected to @IPUparliament Committee on Democracy & Human Rights.
We are proud of the leading roles our MPs – especially our women MPs – play! pic.twitter.com/RIp2lbijUQ
— Abdulla Shahid (@abdulla_shahid) July 10, 2021
ދުނިޔޭގެ ގާނޫނު ހަދާ މަޖިލިސްތައް ހިމެނޭ އައިޕީޔޫގައި 150 ވުރެ ގިނަ ގައުމުގެ މަޖިލިސްތައް ތަމްސީލުކުރެއެވެ.
ރާއްޖެއިން ބައިނަލް އަޤްވާމީ ޖަމިއްޔާތަކާއި ގުޅުން ބަދަހިކޮށް އެފަދަ ޖަމިއްޔާތަކުގައި ރާއްޖޭއިން އަދާކުރާ ރޯލު އަންނަނީ ފުޅާކޮށް ބޮޑުކުރަމުންނެވެ.
