އިންޑިޔާގައި ގިނަ ޒޫވާނުން ތަކެއް ގުޅިގެން އުފައްދާފައިވާ ”ކުރަފި ޕާޓީ“ ގެ ސަޕޯޓަރުން އަނެއްކާވެސް ވަރުގަދަ މުޒާހަރާތަކަކަށް ތައްޔާރު ވަމުން ދާކަމަށް ޚަބަރު ލިބެއެވެ.

އެޕާޓީން މިފަހަރު ބޭނުންވަނީ އިންތިޚާބާއި ބެހޭކަންކަން އިސްލާހު ކުރަން ކަމަށް ވެއެވެ. އަދި ވޯޓު އޮޅުވާލުން އާންމު ކަމަށް ބުނެ ދަނީ ޗީފް އިލެކްޝަން ކަމިޝަނަރ ގަނޭޝް ކުމާރު ގެ އިސްތިއުފާއަށް ގޮވާލަމުންނެވެ.
ޕްރެޝަރ ގްރޫޕެއްގެ ގޮތުގައި މިހާރު ބެލެވޭ ކޮކްރޯޗް ޖަންތާ ޕާޓީ ނުވަތަ ސީޖޭޕީ ފުރަތަމަ މަސައްކަތް ފެށީ ތައުލީމީ ނިޒާމް ރަގަޅުކޮށް އިމްތިހާނު ތައް ބޭއްވުމާއި ނަތީޖާ ފާޅުކުރުމުގައި ދެފުށް ފެންނަން ހާމަ އުސޫލުތަކެއް ތައާރަފް ކުރުމަށެވެ. އަދި ކުރިން ހުރި ތައުލީމީ ވަޒީރު ދަރުމެންދުރަ ޕްރަދާންގެ އިސްތިއުފާއަށް ގޮވާލާ އެތައްހަފްތާއަކަށް ދެމިގެންދިޔަ މުޒާހަރާތަކަކަށްފަހު ، އޭނާވަނީ ޖުލައިމަހު މަގާމުން އިސްތިއުފާދީފައެވެ.
އައު އިހްތިޖާޖް ތަކަށް ތައްޔާރުވެގެން ހުކުރު ދުވަހު މެންދުރުފަހު 4 ޖަހާއިރު މުމްބާއީ ސިޓީގެ ޝިވާޖީ ޕާކަށް އެއްވުމަށް ސީޖޭޕީގެ ލީޑަރުން ވަނީ ޕާޓީގެ މެމްބަރުންނަށާއި ސަޕޯޓަރުން ނަށް އަންގާފައެވެ.
ވޯޓު އޮޅުވާލާކަމަށް ބުނެ އިދިކޮޅު ފަރާތްތަކުން ކުރާ ތުހުމަތުތަކާއި ބެހޭ ގޮތުން އިލެކްޝަން ކޮމިޝަނަރު އަދި ވަކި އެއްޗެއް ނުބުނާ ކަމަށް ވެއެވެ.