އީރާނުގެ ރައީސް ނިއުޔޯރކަށް ވަޑައިގަތުމަކީ އެގައުމުގެ ބައެއް ރައްޔިތުން ބަލާގަންނަ ކަމަކަށް ނުވިއެވެ. އެ ރައްޔިތުން ދެކޭ ގޮތުގައި އެމެރިކާއަކީ އީރާނުގެ ދުޝްމަނުންގެ ގައުމެކެވެ. އެމެރިކާގެ ރައީސަކީ އީރާނުގެ ސުޕްރީމް ލީޑަރ އާއި ސްކޫލް ކުދިންތަކެއް މަރާލާފައިވާ އަނިޔާވެރި ގާތިލެކެވެ. އީރާނުގެ ބައެއް އެހެން ރައްޔިތުން ދެކޭ ގޮތުގައި މަސްއޫދު ޕެޒެޝްކިއާނަކީ މެދުމިނުގެ ސިޔާސަތަކަށް ވަކާލާތު ކުރައްވާ ބޭފުޅެކެވެ.
އެހެންނަމަވެސް އަނެއްބަޔަކު ދެކޭގޮތުގައި އެމަނިކުފަކީ ބާޣީއެކެވެ. ދުޝްމިނުންގެ ގައުމަށް ދަތުރުފުޅު ކުރެއްވީމައެވެ. ސްޓީވް ވިކްޓޯފް އާއި ޖާރެޑް ކުޝްނަރއާއެކު ސުލްހައިގެ ވާހަކަދެއްކުން ހުއްދަ ކުރެއްވީތީއެވެ. ފޮކްސް ނިއުސް އިން ރައީސް ޕެޒެޝްކިއާންގެ ފޮޓޯފުޅު ދެއްކުމަށް ފުރުސަތު ދެއްވީމައެވެ. ޚާރިޖީ ވަޒީރު އައްބާސް އަރާގްޗީ އެމެރިކާގެ ޚާރިޖީ ވަޒީރު މިލިބޭންޑްއާއި އަތްޖޯޑްކޮށް ސަލާން ކުރެއްވީތީއެވެ.
އެމެރިކާގައިވެސް ރައީސް މަސްއޫދު ޕެޒެޝްކިޔާން އެގައުމަށް ވަޑައިގަތުން ހުއްދަކުރުމާމެދު ނަފުރަތު ކުރާ މީހުންވެސް ތިބިކަން ފާހަގަކުރެވިފައިވާ ކަމަށް އެސޯޝިއޭޓެޑް ޕްރެސްގެ ޚަބަރުގައި ބުނެފައިވެއެވެ. ރައީސް ޕެޒެޝްކިއާން ޔުނައިޓެޑް ނޭޝަންސްގެ ޕޯޑިއަމްގައި ހުއްޓިވަޑައިގެން އެމެރިކާއިން ޝަހީދުކޮށްލާފައިވާ އީރާނުގެ ކުރީގެ ސުޕްރީމް ލީޑަރ ގެ ފޮޓޯފުޅާއި މަރާލާފައިވާ ސްކޫލް ކުދިންގެ ފޮޓޯ ހާމަކުރައްވަމުން ވާހަކަދައްކަވަން ފެށްޓެވިއެވެ. އިއްޔެ އެމެރިކާގެ ރައީސް ޑޮނާލްޑް ޓްރަމްޕް ވިދާޅުވެފައިވާ ފަދައިން އަހަރެމެންނަކީ ޓެރަރިސްޓުންނެއް ނޫނީމުއެވެ. އެކަމަކު އަހަރެމެންނަކީ އެމެރިކާގެ ޓެރަރިޒަމް ޝިކާރަ އަކަށްވެފައި ތިބި ބަޔަކީމެވެ. އެއީ އެމެރިކާއަށާއި އަދި އީރާނުގެ ރައްޔިތުންނަށް އެމަނިކުފާނު އިއްވާދެއްވި ބާރުގަދަ މެސެޖެކެވެ. އެ މެސެޖްގެ އަޑު އިވުމާއެކު އިސްލާހީ މަސައްކަތުގައި އުޅޭ މީހުންނާއި ސިފައިންގެ އިސް ޖެނެރަލުންނާއި އަދި ޔޫ އެން ސެކިއުރިޓީ ކައުންސިލްގެ ރިޔާސަތާއި އާންމު މުއައްޒިފުންގެ ހިފޭއްޓުމެއްނެތް ތަރުހީބުގެ އަޑުތަކުން ޖައްވު ގުގުމާލިއެވެ. ރައީސް ޕެޒެޝްކިއާންގެ ވާހަކަފުޅު ފެއްޓެވީ މަޑުމައިތިރި ރާގެއްގައެވެ. އެހެންނަމަވެސް ވާހަކަފުޅުކުރިއަށް ގެންދެވި ވަރަކަށް ކޯފާ އިސްކުރައްވައި އެމެރިކާއައި އިސްރާއީލަށް އިލްޒާމްތަކާއެކު ފާޑުވިދާޅުވަމުންގެންދެވިއެވެ. އިސްރާއީލަކީ ނިއުކްލިއަރ ބޮމެއްކަން އެމަނިކުފާނު ސިފަކުރެއްވިއެވެ. އީރާނުގެ ނައިބު ރައީސް މުހަންމަދު ރިޒާ އާރިފް އާއި މަޖިލީހުގެ ރައީސް މުހަންމަދު ބާޣިރް ޣަލިބާފް އަދި ޖުޑީޝަރީގެ އެންމެ އިސްވެރިޔާ ޣުލާމް ހުސައިން މުހުސީނީ ގެ ނަޒަރުގައި ރައީސް ޕެޒެޝްކިއާންގެ ވާހަކަ ފުޅަކީ އީރާން ރައްޔުންގެ އަޑެވެ. ރައީސް ޕެޒެޝްކިއާންގެ ތަގްރީރަށް އީރާނުގެ ހާރޑްލައިން ނިއުސް ޕޭޕަރ ކޭހާނުގެ ހުސައިން ޝަރީއަތު މަންދްރީވެސް އައްސެރިބަހާ ސާބަސްދީފައިވެއެވެ.
ޔޫ އެން ގެ ޕޯޑިއަމްގައި ރައީސް ޕެޒެޝްކިއާން ދެއްކެވި ވާހަކަފުޅުގައި އީރާނުން މަޝްވަރާގެ އުސޫލުން މައްސަލަތައް ހައްލުކުރަން އަބަދުވެސް ބޭނުންކަމަށާއި އެހެންނަމަވެސް އީރާން ކަކޫ މައްޗަށް ތިރިކޮށްގެން އެއްވެސް ރަނަގަޅުނަތީޖާއަކަށް ވާސިލު ނުވޭނެކަމަށް ވިދާޅުވުމުންގިނަ އެނަލިސްޓުންގެ ތަރުހީބު ލިބިގެންން ދިޔައެވެ. އެނަލިސްޓުން ދެކޭ ގޮތުގައި އީރާނުން މަޝްވަރާގެ އުސޫލު އިޚްތިޔާރުކުރުމަކީވެސް ގުރުބާނީ އެކެވެ.
ރައީސް ޕެޒެޝްކިއާންގެ ޔޫ އެން ދަތުރުފުޅުގައި އީރާނުން ނިއުކްލިއަރ ހަތިޔާރު އުފައްދަން ބޭނުންވޭތޯ ފޮކްސް ނިއުސްއިން ސުވާލުކުރުމުން ސުޕްރީމް ލީޑަރގެ ދީނީ ފަތުވާއަށް ރިއާޔަތް ކުރައްވައި ތަކުރާރުކޮށްވެސް ވިދާޅު ވެފައިވަނީ ނިއުކްލިއަރ ހަތިޔާކީ ފަނާކުރަނިވި ވަސީލަތެއް ކަމަށާއި އެފަދަ ހަތިޔާރު އުފެއްދުން އިސްލާމް ދީނުގައި ހުއްދަ ނުކުރެވޭނެ ކަމަށެވެ.
ހަނގުރާމަ ހުއްޓާލައި މެދުއިރުމަތީގައި ސުލްހަވެރި އަމާން ވެއްޓެއް ގާއިމް ކުރުމަށްޓަކައި ކުރެވެމުންދާ މަޝްވަރާތަކުގައި އީރާނުގެ ނިއުކްލިއަރ މަޝްރޫއާމެދު އެމެރިކާއަށް ގަބޫލުކުރެވޭފަދަ ކުރިއެރުންތަކެއް ލިބެމުންދާނަމަ ރައީސް ޓްރަމްޕް ހުންނެވީ އީރާނަށް އަޅާފައިވާ ދަތިކުރުމުގެ ފިޔަވަޅުތަކަށް ލުއި ދީ އަދި އެމެރިކާގެ ބާރުގައި ހިފާއްޓާފައިހުރި އީރާނުގެ ފައިސާ ދޫކުރައްވަން ތައްޔާރަށް ކަމުގައި އެމެރިކާގެ އޮފިޝަލަކު ސީ އެން އެން އަށް މައުލޫމާތު ދީފައިވެއެވެ. އީރާނާ ދެކޮޅަށް އުފެދިފައިވާ ދެބަސްވުންތައް ހައްލުކުރަން މަސައްކަތްކުރައްވާ މެދުވެރިންނަށް އެމެރިކާއިން އިތުބާރުކުރާކަމަށްވެސް އޮފިޝަލް ދިން މައުލޫމާތުގައި ބުނެފައި ވެއެވެ. އެހެންނަމަވެސް ހޮރްމުޒް ކަނޑުއޮޅި ހުޅުވަން އީރާނުން އެންމެފަހުން މަތިކޮށްފައިވާ ޝަރުތު އެމެރިކާއަށް ގަބޫލު ނުކުރެވޭނެކަމަށްވެސް އޭނާ ބުނެފައި ވެއެވެ.
މިހާރު ކުރިއަށް ދާ މަޝްވަރާތަކުގައި މީގެފަހުން އެމެރިކާ ޓީމްގެ އިސް ބޭފުޅުންގެގޮތުގައި ތިއްބަވާނީ ނައިބު ރައީސް ޖޭ ޑީ ވޭންސްއާއި ޚާރިޖީ ވަޒީރު މާރކޯ ރޫބިއޯއެވެ. އެމެރިކާ ޓީމުގައި ދެން ހިމެނޭނީ ސްޓީވް ވިކްޓޯފް އާއި ޖާރެޑް ކުޝްނަރ އެވެ.
ޗައިނާގެ ރައީސް އެމެރިކާއަށް ގެނެސްގެން ދިވެހިން ބުނެ އުޅޭގޮތަށް ޅޮސް އުދޯއްޔަކަށް އަރުވާފައި ރަނގަޅަށް ތަޅުވާލަން ގަސްދުކޮށް ޝީ ޖިންޕިން އެމެރިކާއަށްގެނައުމުން އެމެރިކާއާއި އިސްރާއީލުން އީރާނާ ދެކޮޅަށް ކުރަމުން ގެންދާ ހަނގުރާމައިގާ ޗައިނާއިން އީރާނަށް އެހީތެރިވަމުން ގެންދާކަން ޕެންޓަގަންގެ ލިއެކިއުންތަކުން ފަޅާއަރައިފިއެވެ. އެމެރިކާގެ އިންޓެލިޖެންސުން އެއްކޮށްފައި ހުރި ސިއްރު މައުލޫމާތު ތަކެއް ލީކުވެ ސީ އެން އެން އަށްވެސް ލިބިފައިވާ ލިއެކިއުންތަކުގައި ޗައިނާގެ ގުރޫޕްތަކުން އެމެރިކާގެ މިލިޓްރީ ގުޅުންހުރި ސެކިއުރިޓީ ތަސްވީރުތަކާއި އިންޓެލިޖެންސް ސަޕޯރޓް އީރާނުގެމިލިޓްރީއަށް ފޯރުކޮށްދެމުން ގެންދާކަން އެނގެއެވެ. ހަނގުރާމައިގެ ވަގުތުގައި ދުޝްމިނުގެ މައުލޫމާތު ހާމަކޮށްދިނުމުރެ އިތުރުން މަދަދު ފޯރުކޮށްދިނުމުގެ ނުރައްކާ އަދި މާބޮޑުކަމަށް ތަޖްރިބާކާރުން ބުނެފައިވެއެވެ. ޗައިނާއާއި ގުޅުންހުރި ޖަމާއަތްތަކުން އީރާނަށް އެހީތެރި ކަމާއި މަދަދު ފޯރުކޮށްދެނީ ޗައިނާ ސަރުކާރަށް އެނގިގެންކަން ނުވަތަ ނޫންކަން އެމެރިކާގެ އޮފިޝަލުންނަށް އޮޅުން ފިލާގޮތެއް ނުވިކަން ސީ އެން އެން އަށް ކިޔާދީފައިވެއެވެ.
އިރާނުން މުއްސަނދިކޮށްފައިވާ ޔުރޭނިއަން އެއްވެސް ގައުމަކަށް ނުފޮނުވޭކަމަށް އެ ގައުމުގެ ސުޕްރީމް ލީޑަރ އަންގަވާފައިވާކަން ރޮއިޓާރސްއިންވަނީ ބުނެފައެވެ.
އެމެރިކާގެ މެކްސިމަމް ދަތިކުރުމުގެ ފިޔަވަޅުތަކާއެކުގައިވެސް ޗައިނާއިން އީރާނުގެ ތެޔޮގަތުން ހުއްޓުވާ ނުލެވުނެއެވެ. ޗައިނާއަކީ މެދުއިރުމަތިން އީރާނުގެ އެންމެ ގާތް ބައިވެރިޔާއެވެ. ފޮކް ނިއުސްގައި ވާހަކަ ދައްކަވަމުން ޗައިނާއިން އީރާނަށް އެއްވެސް ހަތިޔާރެއް ނުވިއްކަން އާދޭސްކޮށްފައިވާނެކަމަށް ރައީސް ޓްރަމްޕް ވަނީ ވިދާޅުވެފައެވެ. މިފަހަރު ރައީސް ޝީ ޖިންޕިން އާއި ބައްދަލު ކުރެއްވުމުގައިވެސް އެންމެ އަތްމަތީ މަޝްވަރާއަކަށް އޮންނާނީ ޗައިނާއިން އީރާނަށް ޖަސޫސީ މައުލޫމާތާއި މިލިޓްރީ އެހީ ފޯރުކޮށްދިނުން ކަމުގައި މީޑިއާތަކުން ހާމަކުރަމުން ގެންދެއެވެ.
ހަނގުރާމަ ހުއްޓާލައި މެދުއިރުމަތީގައި ސުލްހަވެރި އަމާން ވެއްޓެއް ގާއިމް ކުރުމަށްޓަކައި ކުރެވެމުންދާ މަޝްވަރާތަކުގައި އީރާނުގެ ނިއުކްލިއަރ މަޝްރޫއާމެދު އެމެރިކާއަށް ގަބޫލުކުރެވޭފަދަ ކުރިއެރުންތަކެއް ލިބެމުންދާނަމަ ރައީސް ޓްރަމްޕް ހުންނެވީ އީރާނަށް އަޅާފައިވާ ދަތިކުރުމުގެ ފިޔަވަޅުތަކަށް ލުއި ދީ އަދި އެމެރިކާގެ ބާރުގައި ހިފާއްޓާފައިހުރި އީރާނުގެ ފައިސާ ދޫކުރައްވަން ތައްޔާރަށް ކަމުގައި އެމެރިކާގެ އޮފިޝަލަކު ސީ އެން އެން އަށް މައުލޫމާތު ދީފައިވެއެވެ. އީރާނާ ދެކޮޅަށް އުފެދިފައިވާ ދެބަސްވުންތައް ހައްލުކުރަން މަސައްކަތްކުރައްވާ މެދުވެރިންނަށް އެމެރިކާއިން އިތުބާރުކުރާކަމަށްވެސް އޮފިޝަލް ދިން މައުލޫމާތުގައި ބުނެފައި ވެއެވެ. އެހެންނަމަވެސް ހޮރްމުޒް ކަނޑުއޮޅި ހުޅުވަން އީރާނުން އެންމެފަހުން މަތިކޮށްފައިވާ ޝަރުތު އެމެރިކާއަށް ގަބޫލު ނުކުރެވޭނެކަމަށްވެސް އޭނާ ބުނެފައި ވެއެވެ.
މިހާރު ކުރިއަށް ދާ މަޝްވަރާތަކުގައި މީގެފަހުން އެމެރިކާ ޓީމްގެ އިސް ބޭފުޅުންގެގޮތުގައި ތިއްބަވާނީ ނައިބު ރައީސް ޖޭ ޑީ ވޭންސްއާއި ޚާރިޖީ ވަޒީރު މާރކޯ ރޫބިއޯއެވެ. އެމެރިކާ ޓީމުގައި ދެން ހިމެނޭނީ ސްޓީވް ވިކްޓޯފް އާއި ޖާރެޑް ކުޝްނަރ އެވެ.
