އިންޑިޔާގެ ވެސްޓް ބެންގޯލްގައި ނުރައްކާތެރި ވައިރަސް އެއް ފެތުރެމުންދާ ޚަބަރާއި ގުޅިގެން އޭޝިޔާ އަދި ދެކުނު އިރުމަތީ އޭޝިޔާގެ ބައެއް ގައުމުތަކުގައި އެއާޕޯޓްގައި ސްކްރީނިންގ ވަރުގަދަ ކޮށްފައިވާ ކަމަށް ޚަބަރު ލިބެއެވެ.

ޑިސެމްބަރު މަހުން ފެށިގެން މިބަލީގެ ދެމީހުން ފެނިފައިވާކަމަށް އިންޑިޔާއިން ރަސްމީކޮން ބުނި ނަމަވެސް ބަލިޖެހުނު މީހުންގެ އަދަދު މިއަށް ވުރެ ގިނަވާނެ ކަމަށް މީޑިޔާ ރިޕޯޓްތައް ބުނެފައިވެއެވެ.

އަލަށް ފެތުރެވުންދާ ނުރައްކާތެރި ވައިރަހުގެ ނަމަކީ ނިޕާ ވައިރަސްއެވެ. މިއީ ޒޫނޮޓިކް ވައިރަސް އެކެވެ. މާނަޔަކީ މިވައިރަސް ޖަނަވާރުގެ ކިބައިން އިންސާނުންނަށް އަރާނެއެވެ.ބަލީގެ ވައިރަސް ހުރި ކާބޯތަކެތީގެ ޒަރީއާއިން ނުވަތަ އެއްއިންސާނެއްގެ ގައިން އަނެއް އިންސާނެއްގެ ގަޔަށް ވެސް ވައިރަސް އަރާނެއެވެ.

ޑަބްލިއު އެޗްއޯ އިން ބުނެފައިވާ ގޮތުގައި މިވައިރަސް އެންމެ ގިނައިން ފެންނަނީ މޭވާ ކަމުން އުދުހޭ ވާލުގެ ކިބައިންނެވެ. ވާލުގެ ސޮނި ނުތަ ނަޖިހުންވެސް ވައިރަސް ފެތުރެއެވެ.އެހެން ކަމުން ކުރުރާފަދަ އެއްޗެތި ބޭނުން ކުރުންވެސް ރައްކާތެރިއެއްނޫނެވެ.

ނިޕާ ވައިރަސް ޖެހޭ މީހުންގެ 40 އިންސަތަޔާ 75 އިންސައްތަޔާ ދެމެދުގެ އަދަދަށް މީހުން މަރުވެއެވެ.މާނަޔަކީ ބަލިޖެހޭ މީހުން ގާތްގަނޑަކަށް ދެބައިކުޅައެއްބައިމީހުން މަރުވެއެވެ. ވައިރަސް ޖެހުމުން ފެންނަ މައިގަނޑު އަލާމާތްތަކުގެ ތެރޭގައި ނޭވާލާ ނިޒާމަށް ކުރާ އުނދަގޫތަކާއި ސިކުނޑި ދުޅަވުން ފަދަ ކަންކަން ހިމެނެއެވެ.

ބަލިޖެހުމުން ފުރަތަމަ ފެންނަ އަލާމަތަކީ ކުއްލިއަކަށް ރޯގާޖެހުމުން ފެންނަ ފަދަ އަލާމާތްތަކެކެވެ.ބޮލުގައި ރިއްސުމާއި ހުން އައުމެވެ.އަދި ބައެއްމީހުން ކަރުތެރެ މެށިފަ ހުންނަގޮތް ވުމާއިގައިގަ ރިއްސުމުގެ އިތުރުން މޭނުބައިކޮށްފަ ހޮޑު ލެވުމާއި ބޯ އަނބުރާގޮތް ވެފަ ، ”ނިދި ބުރަ ކައިފަ“ ތިބުންވެސް އަލާމާތްތަކުގެ ތެރޭގައި ހިމެނެއެވެ.

މީގެ އިތުރުން ނިއުމޯނިޔާ އާއި އެހެންވެސް ނޭވާލުމުގެ ނިޒާމަށް ޖެހޭ ބަލިތައް ޖެހޭކަމަށް ވެއެވެ.

ނިޕާ ވައިރަސް ޖެހުމުން އެންމެ ސީރިއަސް ކަމަކަށް މެދުވެރިވަނީ ސިކުނޑި ދުޅަވުން ނުވަތަ މެނިންޖައިޓިސް ޖެހުމެވެ.ޔޫކޭގެ ހެލްޓު ސެކިއުރިޓީ އިދާރާ އިން ބުނާ ގޮތުގައި މިހާލަތަށް ބަލިމީހާދަނީ ބަލިޖެހުނުތާ 21 ދުވަހުގެ ތެރޭގައެވެ. މިހާލަތަށް ދިއުމުން ގިނަބަޔަކު މަރުވާ ކަމަށާ މަރުނުވެ ސަލާމަތް ވާ މީހުންނަށްވެސް ފިޓް ޖެހުންފަދަ ކަންތައް ދެމިގެން ދިއުން އެކަށީގެންވާ ކަމަށް އެއިދާރާ އިން ބުނެފައި ވެއެވެ.

ނިޕާ ވައިރަސް ފެނުނީ ކޮންތާކުން؟

އިންސާނަކަށް ފުރަތަމަ ނިޕާ ވައިރަސް ޖެހުނުކަން އިން އިގިނގިފައިވަނީ 1998 ސެޕްޓެމްބަރ އަދި ޖޫން 1999 ގައި މެލޭޝިޔާ އަދި ސިންގަޕޫރުންނެވެ.

ވައިރަސް ފުރަތަމަ ފެނުނީ މެލޭޝިޔާގެ އޫރު ގެންގުޅޭތަނަކުންނެވެ. އެއަށްފަހު އެގައުމުގެ 180 މީހުންނަށް ބަލިޖެހިފައިވެއެވެ.އެއަށްފަހު މެލޭޝިޔާއިން ގެންދާ އޫރު ގެންގުޅުނު ސިންގަޕޫރު ގެ 11 މީހަކަށް ބަލިޖެހިފައި ވެއެވެ. އޭގެ ފަހުން އެދެގައުމުން އިތުރު ކޭސްތައް ނުފެންނަ ކަމަށް ވެއެވެ.

ނިޕާވައިރަސްގެ އިތުރު ކޭސްތައް އޭގެ ފަހުން ފެނިފައިވަނީ ބަންގް. ލާދޭޝް ގެ ހުޅަގު ހިސާތަކުންނާއި އިންޑިޔާގެ ކެރަލާ އަދި ވެސްޓް ބެންގޯލް އިންނެވެ.

ނިޕާވައިރަސް ފެތުރެނީ ކިހިނެއް؟

މިބައްޔަށް އަދި ބޭހެއްވެސް ވެކްސިން އެއްވެސް ހެދިފައި ނެތް އިރު ބައްޔަށް ދެނީ ސަޕޯޓިވް ފަރުވާއެވެ.އެއީ އަރާމު ކުރުވުމާއި ގިނައިން ދިޔާއެއްޗެތި ދިނުން ފަދަ ކަންތަކެވެ.

ނިޕާ ވައިރަސް ކޮވިޑް 19 ފެތުރުގޮތަށް ފެތުރޭނެތަ؟

މައުންޓް އެލިޒަބަތު ނޮވީނާ ހޮސްޕިޓަލްގެ އިންފެކްޝަސް ޑިޒީޒް ސްޕެޝަލިސްޓް ޑރ ލިއޮންގ ވިދާޅުވާ ގޮތުގައި ކޮވިޑް 19 ފެތުރުނު ގޮތަށް ނިޕާވައިރަސް ނުފެތުރޭނެއެވެ. އެހެނީ ކޮވިޑް 19 ގެ ވައިރަސް އިތުރު ވާ މިންވަރަށް ވުރެ ނިޕާވައިރަސް އިތުރުވާ މިންވަރު ދަށް ވީމައެވެ. ޑރ ލިއޮންގ އިތުރަށް ވިދާޅުވީ ނިޕާވައިރަސް ޖެހޭނީ ބަލިޖެހިފައިވާ މީހަކާ ގާތް ވުމުންނެވެ.އަދި އެތަނެއްގަ ނުވަތަ ގެއެއްގަ އުޅޭ އެހެން މީހުންނަށް ވެސް ”ރިސްކް“ ބޮޑުކަމަށް އެކްސްޕަރޓް  ވިދާޅުވެފައި ވެއެވެ.

ނިޕާ ވައިރަސް ފެތުރުނަ ނުދޭން ގައުމުތަކުން ކަންތައް ކުރަނީ ކިހިނެއް؟

އިންޑިޔާ އިން މިބަލި ފެނުމާއި ގުޅިގެން އެތައް ގައުމަކުން ވަނީ ސަލާމަތީ ފިޔަވަޅުތައް އަޅަން ފަށާފައެވެ. މިގޮތުން ތައިލަންޑްގައި އިންޑިޔާއިން ސީދާ ދަތުރުތައް ބާއްވާ ތިން އެއާޕޯޓެއްގައި ޖެނުއަރީ 25 ވަނަ ދުވަހުން ފެށިގެން ސްކްރީން ކުރުންތައް ފަށާފައި ވެއެވެ.މީގެ އިތުރުން ކެމްބޯޑިޔާ، ޖަކާޓާ އަދި ނޭޕާލްގައިވެސް އެތެރެވާ މީހުން މޮނިޓަރ ކުރުމުގެ ކަންކަން ވަރުގަދަ ކޮށްފައިވާ ކަމަށް ޚަބަރު ލިބެއެވެ. ސިންގަޕޫރުގައިވަނީ ބަލިއުޅޭ ތަންތަނުން އަންނަ ފްލައިޓް ތަކުން ދަތުރު ކުރާމީހުން ހުންއައިސްފަ ތިބިތޯ ބަލާ ސްކްރީންތައް ބަހައްޓާފައެވެ.އަދި ބަލި އުޅޭ ތަންތަނުން އެތެރެވާ މަސައްކަތްތެރިން ޚާއްސަގޮތަކަށް ބެލުމަށް ވަނީ އަންގާފައެވެ.

ޗައިނާއިންބުނެފައިވަނީ ބޯޑަރު ސަރަހައްދު ތަކުގައި ޑިޒީސް ޕްރެވެންޝަންގެ ކަންތައް ވަރުގަދަ ކޮށްފައިވާ ކަމުގައެވެ.މޮނިޓަރ ކުރުމާއި ޓެސްޓް ކުރުމުގެ ކަންކަން ވަރުގަދަ ކޮށްފައިވާއިރު ރިސްކް އެސެސްމަންޓް ހަދާ ސިއްހީ މަސައްކަތް ތެރިންނަށް ބޭނުންތާ އިތުރު ތަމްރީނުތައް ދެމުން ދާކަމަށް ބުނެފައި ވެއެވެ.