ކާނާގެ ރައްކާތެރިކަމުގެ ޔަގީންކަން އިތުރުކުރުމަށް ހިންގާ ”ފުޑްސެކިއުރިޓީ ޕްރޮގްރާމް“ގެ ދަށުން، ދަނޑުވެރިކަމާއި ދިރޭތަކެއްޗާ ބެހޭ ވުޒާރާއިން ށ. އަތޮޅުގެ ހަތަރު ރަށަކަށް ހާހަކަށްވުރެ ގިނަ ގަސް ފޮނުވައިފިއެވެ.

މި ރަށްތަކަށް ފޮނުވާފައިވަނީ ޖުމުލަ 1159 ގަހެވެ. އޭގެތެރޭގައި ހިމެނެނީ އާއްމުކޮށް ރަށްރަށުގައި ހައްދާ ބާވަތްތައް ކަމަށްވާ އަލަ، ބަނބުކެޔޮ، ޖަނބުރޯލު، އަދި މުރަނގައެވެ. 

ދަނޑުވެރިކަމާ ބެހޭ ވުޒާރާއިން މި ގަސްތައް ފޮނުވާފައިވަނީ ރަށްރަށުގެ ގެތަކަށާއި އޮފީސްތަކަށެވެ.

މިގޮތުން ގަސް ފޮނުވާފައިވާ ރަށްތަކަކީ:

ށ. ފުނަދޫ

– 65 ބަނބުކެޔޮ ގަސް

– 116 ޖަނބުރޯލް ގަސް

– 111 މުރަނގަ ގަސް

– 32 އަލަ ގަސް

ށ. ޅައިމަގު:

– 59 ބަނބުކެޔޮ ގަސް

– 52 ޖަނބުރޯލު ގަސް

– 51 މުރަނގަ ގަސް

– 216 އަލަ ގަސް

ށ. ނަރުދޫ:

– 60 ބަނބުކެޔޮ ގަސް

– 71 ޖަނބުރޯލު ގަސް

– 67 މުރަނގަ ގަސް

– 56 އަލަ ގަސް

ށ. ބިލެތްފަހި:

– 29 ބަނބުކެޔޮ ގަސް

– 29 ޖަނބުރޯލު ގަސް

– 29 މުރަނގަ ގަސް

– 116 އަލަ ގަސް

މީގެ އިތުރުން މިދިޔަ ޖޫން މަހު ހަނިމާދޫ ކައުންސިލަށްވެސް ވަނީ އެ ވުޒާރާއިން 50 ބަނބުކެޔޮގަސް ހަދިޔާކޮށްފައެވެ.