ޑްރަގު އެތެރެކުރާ މީހުންނަށް މަރުގެ އަދަބު ނުދޭން 9 ޖަމިއްޔާއަކުން މި ސަރުކާރަށް ގޮވާލައިފިއެވެ.
މި ބަޔާން ނެރުނު ރާއްޖެއިން ބޭރުގެ އެ 9 ޖަމިއްޔާގެ ތެރޭގައި ރިޕޯޓަކާ ގުޅިގެން 2019 ވަނަ އަހަރު ރާއްޖޭގައި އުވާލާފައިވާ ޖަމިއްޔާ މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) ހިމެނެއެވެ.
އެ ޖަމިއްޔާތަކުން ނެރުނު ބަޔާނުގައި ވަނީ މަރުގެ އަދަބު އެއްކޮށް އުވާލުމަށް އަވަސް ފިޔަވަޅުތަކެއް އެޅުމަށާއި، ވަގުތުން ވަގުތަށް މަރުގެ އަދަބު ކަނޑައަޅާފައިވާ ހުރިހާ ހުކުމްތަކެއް ބަދަލުކުރުމަށް ސަރުކާރަށް ގޮވާލާފައެވެ.
ހަމައެހެންމެ ޑްރަގް ޓްރެފިކް ކުރުމުގެ ކުށަށް މަރުގެ އަދަބު ދިނުމަކީ ބައިނަލްއަގްވާމީ ގާނޫނުތަކާއި މިންގަނޑުތަކާ ހިލާފު ކަންތައްތަކެއް އުފެދުމަށް މަގުފަހިވާނެ ކަމެއް ކަމަށާއި އެކަމަކީ ދުނިޔޭގެ އެހެން ޤައުމުތަކުގެ އުސޫލާ ހިލާފަށް ރާއްޖޭން ކުރާ ކަމެއް ކަމަށް ވެސް އެ ބަޔާނުގައި ބުނެފައި ވެއެވެ.
ހަމައެހެންމެ މަރުގެ އަދަބު ބަލައިނުގަތުމަށް ރައްޔިތުންގެ މަޖިލީހުގެ މެންބަރުންނަށް ވެސް އެ ބަޔާނުގައި ވަނީ ގޮވާލާފައެވެ.