ދިވެހިރާއްޖޭގެ މިނިވަންކަމާއި ސިޔާދަތާއި އިސްތިޤުލާލު ޙިމާޔަތްކޮށް ރައްކައުތެރި ކުރުމަށާއި، ޤައުމުގެ ސުލްޙަ މަސަލަސްކަން ދެމެހެއްޓުމަށްޓަކައި ކުރިޔަށް ގެންދިޔުމަށް ރާވައިފައިވާ މަޝްރޫޢުތަކަށް އެންމެ މަދުވެގެން ޚަރަދުކުރަން ޖެހޭނޭ މިންވަރު، ސަތޭކަ މިލިއަން ޑޮލަރަށް ބޮޑުކޮށްފިއެވެ.
އެ މަޝްރޫޢުތަކަށް އެންމެ މަދުވެގެން ޚަރަދުކުރަންޖެހޭނޭ މިންވަރު ކަމަށް ކުރިން އެ ޤަރާރުގައި ކަނޑައަޅައިފައި ވަނީ ފަނަރަ މިލިއަން ޑޮލަރެވެ.
ނަމަވެސް މިއަދު ގެންނެވި އިސްލާހުގައި ރާއްޖޭގެ މިނިވަންކަމަށްޓަކައި ހިންގާ މަޝްރޫއުތަކަށް ކުރާ ޚަރަދު 100 މިލިއަން ޑޮލަރަށް ވަނީ ބޮޑުކޮށްފައެވެ.
ދައުލަތުގެ ޢާންމު މަންފާއަކަށްޓަކައި ހިންގާނޭ މުހިންމު މަޝްރޫޢުތައް ކަނޑައެޅުމަށް އެކަށައަޅުއްވައިފައިވާ ނަންބަރު 6/2025 ޤަރާރު އަލުން އެކަށައަޅުއްވައި، އެ ޤަރާރުގެ ޖަދުވަލު 13 މިއަދު އިސްލާހުކޮށް އަލުން ނެރެފައި ވާއިރު، އެ ގަރާރު އިސްލާހުކޮށް އެންމެ ފުރަތަމަ ނެރެފައި ވަނީ މިދިޔަ މަހުގެ 21 ވަނަ ދުވަހުއެވެ.
