މެންބަރުންގެ މުސާރަ ކުޑަކުރަން ގޮވާލައި ޕެޓިޝަނެއް!

Loading

April 1, 2025
profile
Facebook
Twitter
WhatsApp

ރައްޔިތުންގެ މަޖިލިސް މެންބަރުންގެ މުސާރަ ކުޑަކުރަން ގޮވާލައި އޮންލައިން ޕެޓިޝަނެއްގައި ސޮއި ކުރަން ފަށައިފިއެވެ.

އެ ޕެޓިޝަނުގައި ބުނީ އިޤްތިޞާދަށް ބުރަ ބޮޑުވެފައިވާ މި ދަނޑިވަޅުގައި ސަރުކާރުން ކޮންމެހެން ކުރަން ނުޖެހޭ ޚަރަދުތައް ކުޑަކުރުމަށް ފިޔަވަޅުތައް އަޅަން ޖެހޭ ކަމަށެވެ. އެގޮތުން ރައްޔިތުންގެ މަޖިލީހުގެ މެންބަރުންނަށް ލިބޭ ބޮޑު މުސާރައާއި އިނާޔަތްތަކުގެ ސަބަބުން އިޤްތިޞާދަށް ބުރަ ބޮޑުވެފައިވާތީ މަޖިލިސް މެންބަރުންނަށް ދޭ އާމްދަނީ ދަށް ކުރަން ޖެހޭ ކަމަށެވެ.

ހަމައެހެންމެ މެންބަރުންގެ މުސާރަ ކުޑަކުރުމާއެކު މަޖިލިސް މެންބަރުންނަށް ދޭ ކޮމެޓީ އެލަވެންސް އެއްކޮށް ކަނޑާލައި މެންބަރުންނަށް ލިބޭ ޕްރިމިއަމް ހެލްތު އިންޝުއަރެންސް ކަނޑާލަައި، ކުރީގެ މެންބަރުންނަށް ދޭ އިނާޔަތްތައް ހުއްޓާލަންވެސް އެ ޕެޓިޝަނުގައި ވަނީ ގޮވާލާފައެވެ. އަދި ރާއްޖޭގެ އާންމު ރައްޔިތުންނެކޭ އެއްފަދައިން މަޖިލިސް މެންބަރުންނަށް އާސަންދައިގެ ހިދުމަތް ދިނުމަށް ވަނީ ގޮވާލާފައެވެ.

މަޖިލިސް މެންބަރުންނަށް ލިބޭ މުސާރަޔާއި އިނާޔަތްތަކާ ޗުއްޓީއާ އަޅާ ބަލާއިރު އެކަށީގެންވާ ވަރަށް މެންބަރުން މަސައްކަތް ނުކުރާ ކަމަށްވެސް އެ ޕެޓިޝަނުގައި ބުނެފައި ވެއެވެ.

އެ ޕެޓިޝަނުގައި އިތުރަށް ބުނެފައި ވަނީ މަޖިލިސް މެންބަރުން ކުރާ ޤާނޫނީ މަސައްކަތްތަކާ އެ ބޭފުޅުންނަށް ލިބޭ އާމްދަނީ ނުބައްދަލު ކަމަށެވެ. 

ޕެޓިޝަނުގެ ލިންކު:

https://www.change.org/p/cut-mp-salaries-and-excessive-benefits?recruiter=1207331372&recruited_by_id=7fd13730-bf18-11eb-8466-7b1f86f87507&utm_source=share_petition&utm_campaign=starter_onboarding_share_personal&utm_medium=copylink

Loading

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް