އެމެރިކާ އަދި އިރާނުގެ މައްސަލަ، އިރާނަށް ހަމަލާއެއް އަތުވެދާނެތަ؟

Loading

Facebook
Twitter
WhatsApp

އީރާނުގެ ނިއުކްލިއާ ޕްރޮގްރާމް ކުރިއަށް ގެންދިއުމާއި މެދުއިރުމަތީގެ އެކި ކަންކޮޅުތަކުގައި އުޅޭ ހަތިޔާރު އެޅި ޖަމާއަތްތަކަށް އީރާނުން ތާއީދުކުރުމުގެ ސަބަބުން އެމެރިކާއާއި އީރާނާ ދެމެދު ވަނީ ނުތަނަވަސްކަން އުފެދިފައެވެ. މި ހަމަނުޖެހުންތަކުގެ މައިގަނޑު އަސާސަކީ އިރާނުގެ ޔޫރޭނިއަމް ފައްކާކުރުން ކަމާއި، މިހާރު ނިއުކުލިއަރ ހަތިޔާރު އުފެއްދުމަށް 60 އިންސައްތަ ފައްކާކުރިކަމަށް ލިބިފައިވާ ރިޕޯޓްތަކުގެ ސަބަބަބުންނެވެ.

އެމެރިކާގެ ރައީސް ޑޮނަލްޑް ޓްރަމްޕް ވަނީ އީރާނުން އާ ނިއުކްލިއާ އެއްބަސްވުމެއް އެކުލަވާލުމަށް ގޮވާލައި، އީރާނުން ދެކޮޅު ހަދައިފިނަމަ އަސްކަރީ ފިޔަވަޅު އަޅާނެ ކަމުގެ އިންޒާރު ދީފަ އެވެ. ދަތިކުރުމުގެ ފިޔަވަޅުތަކާއި އަސްކަރީ ހަތިޔާރު އެޅުމަށް އެމެރިކާއިން ކުރަމުންދާ ”މެކްސިމަމް ޕްރެޝަރު“ ކެމްޕެއިންގެ ތެރޭގައި ސީދާ މަޝްވަރާތަކަށް ދެކޮޅު ހައްދަވަމުން އީރާނުގެ އެންމެ މަތީ ލީޑަރު އާޔަތު އަލީ ޚާމަނާއީ ވަނީ ކޮންމެ ހަމަލާއަކާ ގުޅިގެން ވަރުގަދަ ހަމަލާއެއް ދޭނެ ކަމަށް ވިދާޅުވެފަ އެވެ.
ނިއުކްލިއަރ މައްސަލައިގެ ބޭރުން، ޔަމަނުގެ ހޫތީން ފަދަ ޖަމާޢަތްތަކަށް އީރާނުން ތާއީދުކުރުމާއި، ރަތް ކަނޑުގެ އުދުހުންތަކަށް ހުރަސް އެޅާ އެ ޖަމާޢަތްތަކާއި، އެމެރިކާގެ މަސްލަހަތު ހިމެނޭ ބޯޓުތަކަށް ޙަމަލާދިނުމުގައި އީރާނުގެ ދައުރެއް އޮތްކަމަށް ތުހުމަތުކުރެވެއެވެ. އީރާނުން ރަތް ކަނޑުގެ ސަރަހައްދު ހަލަބޮލިކުރާ ކަމަށް އެމެރިކާއިން ތުހުމަތު ކުރާއިރު، އިރާނުން ވަނީ ހަމަނުޖެހުން އުފައްދަނީ އެމެރިކާއިން ކަމަށެވެ. ކުރީގެ އިންޓަވެންޝަންތަކާއި 2020 ވަނަ އަހަރު ޖެނެރަލް ޤާސިމް ސުލައިމާނީ އަވަހާރަކޮށްލުމާ ގުޅިގެން އެމެރިކާއިން ހަމަނުޖެހުން އުފައްދަމުންދާ ކަމަށް ތުހުމަތުކޮށްފައެވެ. ދާދި ފަހުން އެމެރިކާއިން ވަނީ ޑިއެގޯ ގާސިއާއަށް ސްޓެލްތް ބޮން ފައިޓަރ ޖެޓުތަތައް ގެންގޮސްސައެވެ. ގިނަ ބަޔަކު ގަބޫލުކުރާ ގޮތުގައި އެމެރިކާއިން މިކަންކުރީ އީރާނަށް ހަމަތަކެއް ދިނުމުގެ ބޭނުމުގައެވެ. ޑިއެގޯ ގާސިއާއިން ފުރައިގެންދާ ޖެޓުތަކުން ސީދާ އިރާނަށް ހަމަލާދެވޭނެއެވެ. އަދި ހަމަލާ ދީފަގޮސް އަބުރާ އެތަނަށް ދެވޭނެއެވެ.
އީރާނުން ނިއުކްލިއާ ގާބިލްކަން ހާސިލްކުރުމުގެ ބިރު އޮތުމުން ސަރަހައްދީ ބާރުތަކުގެ ވިސްނުން ބަދަލުވެ، އިޒްރޭލު ފަދަ ބައިވެރިންނަށް ނުރައްކާ ވެދާނެ ކަމުގެ ބިރު މަސްރަހު ދިރާސާކުރާ ފަރާތްތަކުން ފާހަގަކުރެ އެވެ.

އިރާނުގެ ނިއުކްލިއަރ ތަންތަނާއި އަސްކަރީ އިންފްރާސްޓްރަކްޗަރ ހަލާކުކޮށްލުމުގެ މަޤްޞަދުގައި ހަމަލާއެއް ދީފާނެއެވެ. އެހެންނަމަވެސް، މިފަދަ ފިޔަވަޅެއްގެ ސަބަބުން، އީރާނުގެ ބައިވެރިންގެ މެދުގައި ހަމަނުޖެހުންތައް އުފެދި، ހަމަނުޖެހުންތައް ފުލް ސްކޭލް ހަނގުރާމައަކަށް ބަދަލުވުމުގެ ބިރު އެބައޮތެވެ.

Loading

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް