މާލޭ ސިޓީ ކައުންސިލުން ގަލޮޅު ޕާކު މަރާމާތު ކުރުމަށްފަހު އަލުން ހުޅުވަން ނިންމައިފިއެވެ.
މާލެ ސިޓީ ކައުންސިލުން ކުރި ޕޯސްޓެއްގައި ބުނީ ގަލޮޅު ޕާކު މަރާމާތު ކުރުމުގެ މަސައްކަތް ފަށާފައިވާ ކަމަށެވެ. އަދި އެ ޕާކު ތަރައްގީކުރުމުގެ ޕްލޭންގައި ހިމަނާނެ ކަންކަން ވަނީ ހާމަކޮށްފައެވެ.
އެގޮތުން ތްރީ-އޮން-ތްރީ ބާސްކެޓް ކޯޓަކާއި އައުޓްޑޯ ބެޑްމިންޓަން ކޯޓަކާއި ދުވާ ޓްރެކަކާއި ކުޑަކުދިން ކުޅޭނެ ހުސް ބިމެއް ހިމެނެއެވެ.
މީގެ އިތުރުން އައުޓްޑޯ ޖިމަކާއި އިވެންޓް ބާއްވަން ހާއްސަ ސަރަހައްދެއްވެސް އެ ޕާކުގެ ޕްލޭނިންގައި ހިމެނޭކަމަށް މާލެ ސިޓީ ކައުންސިލުން ހާމަކުރެއެވެ.
