މިދިޔަ އޮގަސްޓް މަހު މާލޭގެ އިމާރާތެއްގެ ބެލްކަނިން ވެއްޓި ޒުވާނަު ނިޔާވި މައްސަލައިގައިި ޒާތީ މައުލޫމާތުތަކެއް އާއްމުކުރުމުން ފުލުހުން މައާފަށް އެދިއްޖެއެވެ.
މިކަމަށް އިޝާރާތްކޮށް ފުލުހުން މިރޭ ނެރުނު ބަޔާނެއްގައި ބުނީ އެ މައްސަލައިގެ ތަފްސީލުތައް ދިނީ މީޑިއާއަކުން އެކަމުގެ ހަގީގަތް އޮޅޭގޮތަށް އަދި ތަހުގީގު ގެންގޮސްފައިވާ ގޮތާއި ނިޔާވި ޒުވާނާގެ އާއިލާގެ ބައެއް މީހުނާ ބެހޭގޮތުން ހަގީގަތާ ހިލާފު ވާހަކަތައް ބްރޯޑްކާސްޓް ކޮށްފައިވާތީ ކަމަށެވެ.
މިގޮތުން އެ މީޑީއާ ބްރީފިންގ ކުރިއަށް ގެންދިއުމުގައި ބައެއް ސެންސިޓިވް ވާހަކަތައް އެންމެ ރަނގަޅު ނޫން ގޮތުގައި ގެނެސްދެވުނުކަން ގަބޫލުކުރާ ކަމަށާއި އެކަމަށް އެންމެހާ ފަރާތްތަކުގެ ކިބައިން ފުލުހުން ވަނީ މައާފަށް އެދިފައެވެ.
ވިފާގު އިބްރާހިމް އަދުނާން 25އ އިމާރާތެއްގެ 10 ވަނަ ފްލޯއިން ވެއްޓި ނިޔާވި މައްސަލައިގައި ބައެއް މީޑިއާތަކުން ވަނީ އޭނާގެ އާއިލާއަށް ބޮޑެތި ތުހުމަތުތަކެއް ކޮށްފައެވެ
