ރެސްޕިރޭޓަރީ ސިންސީޝަލް ވައިރަސް (އާރްއެސްވީ) ގެ ކޭސްތައް ކުޑަކުދިންގެ ތެރޭގައި ފެތުރެމުންދާ މިންވަރު އިތުރުވެއްޖެއެވެ.
މިއީ ނޭވާލާ ނިޒާމަށްޖެހޭ ބައްޔެކެވެ. މި ބަލީގެ އަލާމަތްތަކުގެ ތެރޭގައި ހުންއައުމާއި، ކެއްސުމާއި، ނޭވާލާން އުނދަގޫވުމާއި، މޭގައި ރިއްސުން ފަދަ އަލާމާތްތައް ހިމެނެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދުު ބުނީ އާރްއެސްވީގެ ކޭސްތައް ކުޑަކުދިންގެ ތެރޭގައި ފެތުރެމުންދާ މިންވަރު އިތުރުވެފައިވާތީ އެކަން ވަރަށް ގާތުން ބަލަމުންދާ ކަމަށެވެ.
މި ބަލީގެ އަލާމަތްތަކުގެ އަލާމާތްތައް ފެންނަ ފަރާތްތަކުން ވީހާވެސް އަވަހަށް ފަރުވާ ހޯދުމަށް އެޗްޕީއޭއިން ވަނީ އިލްތިމާސްކޮޮށްފައެވެ.
މީގެއިތުރުން މި ބަަލި ފެތުރެމުންދާތީ ރައްކާތެރިކަމުގެ ފިޔަވަޅުތައް އެޅުމަށް ވަނީ އިލްތިމާސްކޮށްފައެވެ. އެގޮތުން ރަނގަޅަށް އަތް ދޮވުމަަށާއި، ކެއްސައި ކިނބިހި އަޅާއިރު ނޭފަތާއި އަނގަ ރަނގަޅަށް ނިވާކުރުމަށާއި، ގިނައިން މީހުން އެއްވެ އުޅޭ ތަންތަނަށް ނުދިއުމަށް އެޗްޕީއޭއިން ވަނީ އިލްތިމާސްކޮޮށްފައެވެ.
