މާލޭގައި އަންހެނަކު ރަހީނުކޮށް ކަރުގައި ވަޅި ޖެއްސި އާދަމް އަތުހަރު, 32, ފުލުހުންގެ ބެލުމުގެ ދަށުގައި ހުއްޓާ ދަންޖެހިގެން އަމިއްލައަށް މަރުވާން މަސައްކަތް ކޮށްގެން ހޮސްޕިޓަލުގައި ފަރުވާދެމުން ދަނިކޮށް މިއަދު ނިޔާވެއްޖެ އެވެ.
އޭނާ ނިޔާވީ އައިޖީއެމްއެޗްގެ އައިސީޔޫގައި ވެންޓިލޭޓަރުގައި ފަރުވާ ދެމުން ދަނިކޮށް މިއަދު ހަވީރު 4:08 ގަ އެވެ.
ރޭގެ ވަގުތެއްގައި އަތުހަރު ދަންޖެހިފައި ވަނީ އޭނާ ބަންދުކޮށްފައި ހުރި ގޮޅީގައެވެ.
މިކަމާއި ގުޅިގެން ދިވެހި ފުލުހުން ދަނީ ތަހުގީގު ތަކެއް ކުރަމުން ކަމަށާއި އަތުހަރު މަރުވި ސަބަބު ދެނެގަތުމަށްޓަކައި އޮޓޮޕްސީ ހެދުމަށް ނިންމާފައިވާ ކަމަށްވެސް ފުލުހުން ހާމަކުރެއެވެ.
One Response
Kon atotopcee ey hadaakah daulathun beykaaru rufiyaa thakeh haradhu kuraakah