އިނަރ މޯލްޑިވްސްގެ ދެ އޮފީހެއް ފަޅާލައި މުދަލަށް ގެއްލުންދީފިއެވެ.
އިނަރ މޯލްޑިވްސްގެ ސީއީއޯ މުޙައްމަދު ފިރާޤް ފޭސްބުކްގައި ލިޔުއްވި ޕޯސްޓެއްގައި ވިދާޅުވި ގޮތުގައި މިކަން ހިނގީ ރޭ މެންދަމުގެ ވަގުތެއްގައެވެ.
އޮފީހުން އަގުހުރި އެއްޗެއް ވަގުންނަށް ނުފެނުނު ނަމަވެސް ދޮރުގެ ތަޅާއި ބައެއް މުދަލަށް ބޮޑެތި ގެއްލުންދީފައިވާ ކަމަށް ފިރާޤް ވިދާޅުވިއެވެ.
މި މައްސަލަ ފެންމަތިވެފައިވާއިރު ފުލުހުން މިއަދު ބުނީ ރޭގެ ވަގުތެއްގައި އަމީރުއަޙްމަދު މަގުގައި ހުރި 3 އިމާރާތަކަށް ގެއްލުންދީ ވައްކަންކުރި މައްސަލައެއް ބަލަމުން އަންނަ ކަމަށެވެ.
މި މައްސަލާގައި މީހަކު ހައްޔަރުކޮށްފައިވާ ކަމެއް ފުލުހުން އަދި ހާމަކޮށްފައެއް ނުވެއެވެ.
ފޮޓޯ: މުޙައްމަދު ފިރާޤް/ފޭސްބުކް
