ހުޅުމާލޭގައި ޑައިވިނަށް ގޮސް އުޅުނު ފަތުރުވެރިޔަކު ގެނބިގެން މަރުވެއްޖެއެވެ.
ފުލުހުން ބުނީ މިއަދު 11:00 އެހާކަންހާއިރު ހުޅުމާލޭ މޫދުގައި ޑައިވިންއަށް ގޮސް އުޅުނު މީހަކު ގެނބިގެން މަރުވެފައިވާ މައްސަލަ ފުލުހުންނަށް ރިޕޯޓް ކޮށްފައިވާ ކަމަށެވެ.
އަދި މި ހާދިސާގައި މަރުވެފައިވަނީ ތައިލޭންޑުގެ އުމުރުން 55 އަހަރުގެ އަންހެނެއް ކަމަށް ފުލުހުން ހާމަކުރެއެވެ.
މީގެ އިތުރުން އެ މައްސަލަ ފުލުހުން މިހާރު ތަހުގީގު ކުރަމުން އަންނަ ކަމަށް ފުލުހުން ބުނެފައި ވެއެވެ.