ރާއްޖެއާއި އިންޑިއާއާއެކު ވެފައިވާ އެއްބަސްވުމުގައިވާ ގޮތަށް އިންޑިއާ ސިފައިންގެ ދެވަނަ ބެޗު އަނބުރާ އެ ގައުމަަށް ފޮނުވާލައިފިއެވެ.
އައްޑޫ ސިޓީގައި ރޭ ބޭއްވި ކެމްޕޭން ޖަލްސާއެއްގައި ރައީސް ޑރ.މުޙައްމަދު މުޢިއްޒު ވިދާޅުވީ އިންޑިއާއާއެކު ވެފައިވާ އެއްބަސްވުމާ އެއްގޮތަށް ސިފައިން ބޭލުމުގެ މަސައްކަތް ހިނގަމުންދާ ކަމަށެވެ.
އެގޮތުން މި މަހުގެ ނުވަވަނަ ދުވަހު އިންޑިއާ ސިފައިންގެ ދެވަނަ ބެޗު ރާއްޖެއިން ފޮނުވާލައިފައިވާ ކަމަށް ރައީސް ވިދާޅުވިއެވެ.
ރާއްޖޭގައި ތިބި އިންޑިއާ ސިފައިން ފޮނުވައިލުން އޮތީ ތިން މަރުހަލާއަށް ބަހައިލައިފައެވެ. އެގޮތުން ސިފައިންގެ ފުރަތަމަ ބެޗު ފޮނުވައިލީ މިިދިޔަ މާޗު 10 ގައެވެ.
ދިވެހި ސަރުކާރުން އިންޑިއާއާއެކު އެއްބަސްވެފައިވަނީ މޭ މަހުގެ 10 ގެ ކުރިން އިންޑިއާ ސިފައިންގެ ތިންވަނަ ބެޗު ފޮނުވާލުމަށެވެ.
ރާއްޖޭގައި ތިބި އިންޑިއާ ސިފައިންގެ ބައެއް މީހުން. ފޮޓޯ: ދިޔަރެސް
