މިފްކޯގެ ސީއީއޯ އަދި މެނޭޖިންގ ޑިރެކްޓަރު އަޙްމަދު ޝަމާހު ރަޝީދު މަގާމުގެ މަސްއޫލިއްޔަތުތަކުން އެކަހެރިކޮށްފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން މިއަދު ބުނީ ޝަމާހުއާ ގުޅޭ ގޮތުން ކޯޕަރޭޓް ގަވަނެންސްއާ ގުޅުންހުރި މައްސަލަތަކެއް އެ ބޯޑަށް ހުށަހެޅިފައިވާ ކަމަށެވެ.
އެގޮތުން އެކަމުގެ ފުރިހަމަ އިންކުއަރީއެއް ހިންގުމުގެ މަސައްކަތް ކުރަމުންދާ ކަމަށް ޕީސީބީއިން ބުންޏެވެ.
އެހެންވެ ސަރުކާރު ހިއްސާވާ ކުންފުނިތަކުގެ ޑިރެކްޓަރުންގެ ސުލޫކީ މިންގަނޑާއި ޝަކުވާ ހުށަހެޅުމާއި އަދި ފިޔަވަޅު އެޅުމާބެހޭ އުސޫލުގެ 25 ވަނަ މާއްދާގެ (ށ) ގެ އެއްވަނަ ނަންބަރުގައިވާ ހާލަތަށް ރިއާޔަތްކޮށް މިއަދުން ފެށިގެން 14 ދުވަހަށް މަގާމުގެ އޭނާ މަސްއޫލިއްޔަތުން އެކަހެރިކޮށްފައިވާ ކަމަށް ޕީސީބީއިން ވަނީ ބުނެފައެވެ.
One Response
އެމްޑީ ހާދަ އަވަހަކަށް ތިއުޅުއްވީ ހަޑިކޮށް. އެހެން ނުހަދާށެވެ. ހުރިހާކުދިން ވެސް ދަންނަން ޖެހޭނެ ހަވާލު ތިކުރެވެނީ ދައުލަތުގެ ކުންފުންޏެއްކަން. އޭގެ މާނަޔަކީ ރައްޔަތުންގެ މިލްކްވެރި ކުންފުނިކަން. ތިމީހުނާ ރައްޔަތުން ހޮވި ސަރުކާރުން ވަޒީފާ ޙަވާލުކުމުންވެސް މިކަން ހިތުގައި ބާއްވާތި. އަދި ސަރުކާރު ފެށެނީ މާތްﷲ ގަންދީ ކުރާހުވަޔަކުން. އެހެންވީމާ މާތްﷲ ގަންދީފާ ކުރާ ހުވަޔަކުން ދައުލަތް ހިންގަން ޙަވާލުވާ ސަރުކާރެއްގެ ބަޔަކު ވަރަށް ވަފާތެރިކަމާއި އެކު ތެދުވެރިކަމާއިއެކު ވަޒީފާ އަދާކުރަންވާނީ. ނޫންތަ؟ އަބަދުވެސް ހިތުގައި ބާއްވަވަންވާނެ މިއީ ތިމާގެ މައިންބަފައިންގެ ތަރިކަ ނޫންކަން. އަދި މާތްﷲ ގަންދީ ހުވައެއް ކޮށްފިއްޔާ ބިރުވެތިވާން ޖެހޭނެ ވަރަށް ބޮޑަށް. ރައީސް މީހާ މާތްﷲ ގަންދީފާ ކުރާ ހުވައިން ސަރުކާރާ ޙަވާލުވީމާ އޭނާގެ ފުށުން މަގާމުތަކަށް އިސްކުރެވޭ އެންމެންވެސް އެ ހުވާގެ މަތިން އެ އިސްކުރެވެނީ. އޮޅުވާލިޔަ ނުދެއްވާށެވެ. މަޙުޝަރުގައި ސުވާލު އަންނާނެއެވެ. އެދުވަހު ވަޒީފާ ދެއްވި ރައީސްވެސް ހުންނާނީ ހެލްޕް ފޯރުކޮށްދެވޭވަރަށްވުރެ ބިރުވެތި ޙާލަތެއްގައެވެ. ހަމަ ތެދެކެވެ. ގަބޫލުކުރާށެވެ! ސޭ ނޯ ރު ފޭރުން ( ކަރަޕްޝަން).