ފަނޑިޔާރުންނާއި، ލޯކަލް ކައުންސިލަރުންނާއި ބައެއް މިނިވަން މުއައްސަސާތަކުގެ އިސްވެރިންގެ މުސާރަ ބޮޑު ކުރުމަށް ރައްޔިތުންގެ މަޖިލީހުން މިއަދު ފާސްކޮށްފިއެވެ.

ރައްޔިތުންގެ މަޖިލީހުން ކަނޑައަޅަންޖެހޭ މުސާރައިގެ އޮނިގަނޑު އަލުން އެކުލަވާލުމުގެ މަސައްކަތް މާލިއްޔަތު ކޮމިޓީން ފެށީ މިދިޔަ ޑިސެމްބަރު މަހުގެ 13 ވަނަ ދުވަހު ބޭއްވި ކޮމިޓީގެ 17 ވަނަ ބައްދަލުވުމުގައެވެ.

އެގޮތުން މާލިއްޔަތު ކޮމިޓީން ފުރަތަމަ ނިންމި ނިންމުމުގައި ރައީސުލްޖުމްހޫރިއްޔާއާއި ރައީސުލްޖުމްހޫރިއްޔާގެ ނައިބާ އަދި މަޖިލީހުގެ މެންބަރުންގެ މުސާރަތައް ވެސް ބޮޑުކުރަން ނިންމާފައިވީ ނަމަވެސް އާންމުރައްޔިތުންގެ ފާޑު ކިޔުމާއި ހެދި އެ ފަރާތްތަކުގެ މުސާރަތައް ބޮޑުކުރަން ނިންމި ނިންމުން ވަނީ އުނިކޮށްފައެވެ.

ދައުލަތުގެ އިސްވެރިންގެ މުސާރަ ބޮޑު ކުރަން ނިންމާ މަޖިލީހުގެ މާލިއްޔަތު ކޮމިޓީން އެކުލަވާލި ރިޕޯޓު 49 މެމްބަރުންގެ ވޯޓުން މަޖިލީހުން މިއަދު ވަނީ ފާސްކޮށްފައެވެ.

ބޮޑު ކުރަން ފާސްކުރި މުސާރަތައް:

ކައުންސިލަރުންގެ މުސާރަ

ސިޓީތަކުގެ މޭޔަރުންގެ މުސާރަ – 46،000 ރުފިޔާ

ސިޓީތަކުގެ ޑެޕިއުޓީ މޭޔަރުންގެ މުސާރަ – 40،500 ރުފިޔާ

އަތޮޅު ކައުންސިލްތަކުގެ ރައީސުންގެ މުސާރަ – 33،000 ރުފިޔާ

ސިޓީ ކައުުންސިލަރުންގެ މުސާރަ – 35،000 ރުފިޔާ

ރަށު ކައުންސިލްތަކުގެ ރައީސުންގެ މުސާރަ – 25،500 ރުފިޔާ

ރަށު ކައުންސިލަރުންގެ މުސާރަ – 18،000 ރުފިޔާ

ފަނޑިޔާރުންގެ މުސާރަތަކަށް ގެނައި ބަދަލުތައް:

އުއްތަމަ ފަނޑިޔާރުގެ މުސާރަ – 91،000 ރުފިޔާ

ސުޕްރީމް ކޯޓުގެ ފަނޑިޔާރުން – 89،000 ރުފިޔާ

ހައި ކޯޓު އިސް ފަނޑިޔާރުގެ މުސާރަ – 70،000 ރުފިޔާ

ހައި ކޯޓު ފަނޑިޔާރުންގެ މުސާރަމ – 68،000 ރުފިޔާ

ކްރިމިނަލް ކޯޓު، ޑުރަގު ކޯޓު، ފެމިލީ ކޯޓު، ސިވިލް ކޯޓު، ޖުވެނައިލް ކޯޓުގެ އިސް ގާޒީންގެ މުސާރަ – 62،000 ރުފިޔާ

ކްރިމިނަލް ކޯޓު، ޑުރަގު ކޯޓު، ފެމިލީ ކޯޓު، ސިވިލް ކޯޓު، ޖުވެނައިލް ކޯޓުގެ ގާޒީންގެ މުސާރަ – 60،000 ރުފިޔާ

ދާއިރާގެ އިސް މެޖިސްޓްރޭޓުންގެ މުސާރަ – 43،000 ރުފިޔާ

މެޖިސްޓްރޭޓް ކޯޓުތަކުގެ މެޖިސްޓްރޭޓުންގެ މުސާރަ – 41،000 ރުފިޔާ

ބަދަލު ގެނައި އިތުރު ބައެއް މުސާރަތައް:

އެމްއެމްއޭގެ ގަވަރުނަރުގެ މުސާރަ – 74،000 ރުފިޔާ

އޮޑިޓަ ޖެނެރަލްގެ މުސާރަ – 74،000 ރުފިޔާ

ޕްރޮސެކިއުޓަ ޖެނެރަލްގެ މުސާރަ – 74،000 ރުފިޔާ

ކޮމިޝަނާ ޖެނެރަލް އޮފް ޓެކްޒޭޝަންގެ މުސާރަ – 74،000 ރުފިޔާ

އެމްއެމްއޭގެ ޑެޕިއުޓީ ގަވަރުނަރުގެ މުސާރަ – 55،000 ރުފިޔާ

ޑެޕިއުޓީ ކޮމިޝަނާ ޖެނެރަލް އޮފް ޓެކްޒޭޝަންގެ މުސާރަ – 55،000 ރުފިޔާ

މިނިވަން މުއައްސަސާތަކުގެ ރައީސުންގެ މުސާރަ – 59،000 ރުފިޔާ

މިނިވަން މުއައްސަސާތަކުގެ ނައިބު ރައީސުންގެ މުސާރަ – 55،000 ރުފިޔާ

މިނިވަން މުއައްސަސާތަކުގެ މެންބަރުންގެ މުސާރަ – 48،000 ރުފިޔާ

ޕީސީބީގެ ރައީސްގެ މުސާރަ – 41،000 ރުފިޔާ

ޕީސީބީގެ ނައިބު ރައީސްގެ މުސާރަ – 31،000 ރުފިޔާ

ޕީސީބީގެ މެންބަރުން – 12،000 ރުފިޔާ