ޣައްޒާއަށް ބޭނުންވާ ކާނާއާއި ބޭސްފަދަ އަސާސީ ތަކެތި ފޯރުކޮށްނުދޭހާ ހިނދަކުވެސް ރަތްކަނޑުގައި ދަތުރުކުރާ އިސްރާއީލުގެ ބޯޓުތަކާއި، އިސްރާއީލުގެ މަސްލަހަތު އޮންނަ އުޅަނދުތަކާއި، އިސްރާއީލުން ނުވަތަ އިސްރާއީލަށް ދަތުރުކުރާ ބޯޓުތަކަށް ހަމަލާ ދެމުންގެންދާނެ ކަމަށް ޔަމަނުގެ ހޫތީ މުޖާހިދުން ބުނެފިއެވެ.
ހޫތީން ބުރާސްފަތި ދުވަހު ނެރނު ބަޔާނެއްގައި ބުނީ، ދެމުންގެންދާ ހަމަލާތަކާއި ގުޅިގެން ކުރިން ނެރުނު ބަޔާންތަކުގައި ދައްކާފައިވާ ހުރިހާ ވާހަކައެއްގެ މަތީގައި ގާއިމްވެތިބި ކަމަށާއި، އިސްރާއީލު ފިޔަވައި އެއްވެސް ގައުމަކަށް ކުރާ ދަތުރަކަށް ހުރަސް ނާޅާނެކަމަށެވެ.
އިސްރާއީލުން ޣައްޒާގައި ހިންގަމުންދާ ޤަތުލުއާންމާއި ގުޅިގެން ޔަމަނުގެ ހޫތީ ސިފައިން އަންނަނީ ރަތްކަނޑު ހުރަސްކޮށް އިސްރާއީލަން ދަތުރުކުރާ ބޯޓުފަހަރާއި އިސްރާއީލުން ފުރައިގެންދާ ބޯޓުތަކަށް ހަމަލާދެމުންނެވެ. މިގޮތަށް ހަމަލާދޭއިރު، އެ އުޅަނދަކީ ކޮން ގައުމެއްގެ ކޮން ދިދައެއް އުފުލާ އުޅަންދެއްތޯ ނުބަލާނެކަން އަންގައި ހޫތީންވަނީ އިންޒާރުދީފައެވެ.
ޔަމަނުން ދެމުންގެންދާ ހަމަލާތަކުގެ ސަބަބުން ތެލާއި، ކާޑުގެ ބާވަތްތަކުގެ އިތުރުން އެހެނިހެން އަސާސީ މުދާ އުފުލުމަށް އިސްރާއީލަށް ދަތިވެފައިވާއިރު، މުދާ އުފުލުމުގެ އަގާއި، މުދާ ރައްކާތެރިކުރުމަށް އިންޝުއަރ ކުރުމުގެ ޚަރަދުތައް އިންތިހާއަށް ބޮޑުވެ، އިސްރާއީލުގެ އިޤްތިޞާދަށް އަންނަނީ ބޮޑެތި ގެއްލުންތަކެއް ލިބެމުންނެވެ.
One Response
ޢަރަބި ޤައުމުތަކުގެ ވެރިންނާއި އިސްލާމީ އުއްމަތާއި ދެމެދު ، މިއަދު އޮތްގުޅުމަކީ ފިރުޢައުނާއި ބަނޫ އިސްރާއީލުންނާއި ދެމެދު އޮތް ގުޅުމެވެ. އެއީ އަޅުވެތިކަމެވެ. ޖަޒާއިރުގެ މި ޒުވާނާއަކީ ޤުރުއާން ޙާފިޒެކެވެ. ދާދިފަހުން ޢުމްރާއަކަށްގޮސް ، މަސްޖިދުއްނަބަވީ އަށް ކުރި ޒިޔާރަތުގައި ނަބިއްޔާއަށް ސަލާމްދެންނެވުމަށްފަހު މިސްކިތްކޮޅު ކައިރީގައި ޣައްޒާގެ މުސްލިމުންނަށް ނަޞްރުދެއްވުން އެދި ދުޢާކުރުމުން ސައުދީސިފައިން އޭނާ ވަށާލުމަށްފަހު ހައްޔަރަށް ގެންގޮސް ، 6 ގަޑިއިރު ހައްޔަރުގައި ބެހެއްޓުމަށްފަހު ، ކޯޓަށް ޙުކުމްކުރުމަށް ފޮނުވިއެވެ.
ތުހުމަތަކީ ފަލަސްތީނަށް ސިމްޕަތީވުމާއި ޣައްޒާއަށް ނަޞްރުދިނުމަށް ދުޢާކުރުމެވެ. ޤާޟީ ޙުކުމް ކުރީ އޭނާގެ ފޯނު ނަގައި ދުޢާކުރި ވީޑިއޯ ޑިލީޓްކުރުމަށާއި ، އަދި އިރުޝާދު ވައް ތާއުޖީހު ސެންޓަރުން ނަޞޭޙަތުގެ ސެޝަނެއް ނެގުމަށެވެ.
ނިކަން ވިސްނާލާށެވެ. މިދައްކަނީ މައްކާ މަދީނާއަށް ވެރިވެތިބެ އެތާނުގައި ވެރިކަން ކުރަމުންދާ ސުޢޫދުން ކަންތައް ކުރާގޮތެވެ. އަދުގެ މުސްލިމް ޒުވާނުންގެ މަސްއޫލިއްޔަތުގެ ބޮޑުކަމާއެވެ. އެބައިމީހުނަށް އިޙްސާސްވޭބާއެވެ. ނުވިތާކަށް މުސްލިމުން މަރަމުންދާ ޒައިނިސްޓުންނަށް އެއްބާރުލުންދީ ކާބޯތަކެއްޗާއި ހަތިޔާރުވެސް އެމީހުނަށް ޓްރާންސްޕޯޓް ކޮށްދޭ ބައެއްކަމުގައި ވެއްޖެއެވެ!