ކުރިއަށް އޮތް ހަފުތާގައި ވެސް މެދުރާއްޖެތެރެއާއި ދެކުނަށް ވިއްސާރަކުރާނެ ކަމަށާއި ކަނޑުތައް ގަދަވާނެ ކަމަށް ލަފާކުރެވޭތީ ކަނޑުދަތުރުފަތުރު ކުރުމުގައި ސަމާލުކަން ދިނުމަށް މޫސުމާބެހޭ ގައުމީ އިދާރާ (މެޓް) އިން މިއަދު އިލްތިމާސްކޮށްފިއެވެ.
މެޓް އޮފީހުން ބުނީ މިހާރު ކުރަމުންދަނީ ހުޅަނގު މޫސުމުގެ ވިއްސާރަކަމުން ކުރިއަށް އޮތް ދުވަސްތަކަކީ ވިއްސާރަ ދުވަސްތަކެއް ކަމަށެވެ. އެގޮތުން ބައެއް ރަށްރަށަށް ބޯކޮށް ވާރޭވެހުން އެކަށީގެންވާ ކަމަށް މެޓް އޮފީހުން ބުންޏެވެ.
އެގޮތުން ކުރިއަށް އޮތް ހަފުތާގައި ވެސް މެދުރާއްޖެތެރެއާއި ދެކުނަށް ބޯކޮށް ވިއްސާރަކުރާނެ ކަމަށާއި ހަފުތާގެ ފަހުކޮޅު އުތުރަށް އަނެއްކާވެސް ވިއްސާރަވާނެ ކަމަށް ބެލެވޭ ކަމަށެވެ.
މީގެއިތުރުން މެޓް އޮފީހުން ވަނީ ކަނޑުތައް ގަދަވާނެ ކަމަށާއި ވައިގަދަވާނެ ކަމަށް ވެސް ލަފާކޮށްފައެވެ.
