އިންތިޚާބީ ރައީސް އަދި މާލޭގެ މޭޔަރު ޑރ.މުޙައްމަދު މުޢިއްޒު މިރޭ މާލެ ސިޓީ ކައުންސިލުގެ މުވައްޒަފުންނާ ބައްދަލުކުރައްވަން ހަމަޖެހިއްޖެއެވެ.
މާލެ ސިޓީ ކައުންސިލުން މިއަދު ބުނީ އިންތިޚާބީ ރައީސް ޑރ.މުޢިއްޒު އެ ކައުންސިލުގެ މުވައްޒަފުންނާ ބައްދަލުކުރައްވާނޯ
ދަރުބާރުގޭ ރަންނަބަނޑޭރި މާލަމުގައި މިރޭ 20:30 ގައި ކަމަށެވެ.
ވެރިކަން ބަދަލުވުމުގެ މަރުހަލާގައި ކުރަންޖެހޭ ކަންކަމަށް ވަގުތު ހުސްކުރެއްވުމަށްޓަކައި މުޢިއްޒު ވަނީ މޭޔަރުގެ ޒިންމާތަކުން އެކަހެރިވެވަޑައިގެންފައެވެ. ނަމަވެސް ނޮވެމްބަރު 17 ގައި ރައީސުލްޖުމްހޫރިއްޔާގެ މަގާމުގެ ހުވާކުރެއްވުމާ ހަމައަށް މޭޔަރުގެ މަގާމުގައި ދެމިހުންނަވާނެއެވެ.
މުޢިއްޒު އެންމެ ފަހުން ބައިވެރިވެވަޑައިގަތް ސިޓީ ކައުންސިލުގެ ޖަލްސާގައި ވަނީ މޭޔަރުގެ ހުރިހާ ޒިންމާތަކެއް ޑެޕިއުޓީ މޭޔަރު އަޙްމަދު ނަރީޝާ ހަވާލު ކުރައްވައިފައެވެ.
