މި މަހުގެ 22 ވަނަ ދުވަހުން ފެށިގެން ހުޅުމާލެއިން ގެއްލިގެން ހޯދަމުން އައި ހއ. ބާރަށް / ސައިނިންގސްޓަރ މުޙައްމަދު ތަޢުފީޤު (35އ) މިހާރު ފެނިފައިވާ ކަމަށް ފުލުހުން މިއަދު ބުނެފިއެވެ.
ތަޢުފީޤުގެ ޚަބަރެއްނުވެގެން ގެއްލިފައިވާ ކަމަށް އާއިލާގެ ފަރާތުން ފުލުހުންނަށް ރިޕޯޓުކުރީ އޮގަސްޓް 26 ވަނަ ދުވަހުގެ 01:35 ހާއިރުއެވެ.
އޭނާ ހޯދަމުން އަންނަކަން ފުލުހުން އިއުލާނުކުރީ އިއްޔެގައެވެ.
ފުލުހުން މިއަދު ބުނީ “މުޙައްމަދު ތަޢުފީޤު މާލެއިން މިއަދު ފެނިފައިވާ “ ކަމަށެވެ. އަދި އޭނާގެ ހާލު ރަނގަޅު ކަމަށް ފުލުހުން ބުންޏެވެ.
މުޙައްމަދު ތަޢުފީޤަކީ ހުޅުމާލެ ފޭސް 2 ގައި ދިރިއުޅެމުން އަންނަ މީހެކެވެ. އޭނާއަކީ ވިލިމާލެއާއި މާލެއާ ދެމެދު ދަތުރުކުރާ އެމްޓީސީސީ ފެރީގައި މަސައްކަތް ކުރާ މީހެކެވެ.
