އިދިކޮޅު ޕްރޮގްރެސިވް ކޮންގްރެސް ކޯލިޝަންގައި ހިމެނޭ ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުގެ މެނިފެސްޓޯ މިރޭ ލޯންޗުކޮށްފިއެވެ.
ޑރ.މުޢިއްޒުގެ މެނިފެސްޓޯ ލޯންޗުކުރީ ހުޅުމާލޭ ދެވަނަ ފޭސްގައި މިރޭ އެކަމަށްޓަކައި ބޭއްވި ޖަލްސާގައެވެ.
މި މެނިފެސްޓޯގެ ނަމެއްކަމުގައި ހަމަޖައްސާފައިވަނީ “ދިވެހިންގެ ރާއްޖެ“ އެވެ. ޑރ.މުޢިއްޒު ވިދާޅުވީ މިއީ މިވަގުތަށް އެންމެ އައުލާކަން ބޮޑު އެންމެ މުހިންމު ޝިއާރުކަމަށް ރައީސް ޔާމީން ޢަބްދުލްޤައްޔޫމަށް ފެނިވަޑައިގަންނަވާތީ ކަނޑައެޅުއްވި ނަމެއް ކަމަށެވެ.
ޑރ.މުޢިއްޒު ވިދާޅުވީ ދިވެހިންގެ ރާއްޖެ އަނބުރާ ހޯދުމަށް އެންމެން އަތުކުރި އޮޅާލައިގެން މިއަދު މިވަނީ ތެދުވަންޖެހިފައި ކަމަށާއި ސިޔާސީ ވިސްނުން އެއްކިބާކޮށްފައި ދިވެއްސަކަށްވީތީ ދިވެހިންގެ ރާއްޖެ ހޯދުމަށް އެކަތިގަނޑަކަށްވާން އެބަޖެހޭ ކަމަށެވެ.
“ދިވެހިންގެ ރާއްޖެ“ މެނިފެސްޓޯގައި ހުރި ކަންކަމަކީ ހާސިލުކުރެވޭނެ ކަންކަން ކަމަށް ޑރ.މުޢިއްޒު ވިދާޅުވިއެވެ.
“އަޅުގަނޑުމެން ވައުދެއް ނުވާނަން އެ ވައުދެއް ފުއްދޭނެ ގޮތް ނޭނގިއެއް. އެކަން ކުރެވޭނެ ގޮތް އިރާދަކުރެއްވިއްޔާ އަޅުގަނޑުމެންނަށް އެނގޭނެ. މެނިފެސްޓޯގަ ހުރި ކަންކަން އަޅުގަނޑުމެން ލިޔެފައިވާނީ އޭގެ ފަހަތުން އެތައް ގިނަ މަސައްކަތްތަކެއް ކުރެވުމަށްފަހު ކަރުދާހަށް ތިރިވީ.“ ޑރ.މުޢިއްޒު ވިދާޅުވިއެވެ.
ޑރ.މުޢިއްޒުގެ އެންމެ މުހިންމު ސިޔާސަތަކީ “ގެދޮރުވެރިކަން“ :
ޑރ.މުޢިއްޒު ވިދާޅުވި ގޮތުގައި އޭނާގެ އެންމެ މުހިންމު ސިޔާސަތަކީ ގެދޮރިވެރިކަމެވެ.
“ގެދޮރުވެރިކަން ހައްލުވުމުން ރައްޔިތުންނަށް ދިމާވެފައިހުރި ގިނަ ކަންކަން ހައްލުވެގެންދާނެ“ ޑރ.މުޢިއްޒު ވިދާޅުވިއެވެ.
އޭގެތެރޭގައި:
1.އާއިލީ މައްސަލަތައް
2.ކުށުގެ ވެށީގެތެރެއިން ދިމާވާ ކަންތައްތައް
3.މަސްތުވާތަކެތީގެ މައްސަލަ
4.އިޖުތިމާއީ އަދާލަތު
5.ސިއްހީ ދުޅަހެޔޮކަމާއި ނަފްސާނީ ދުޅަހެޔޮކަން
6.ތައުލީމްގެ ކަންކަން
7.ވިޔަފާރީގެ ކުރިމަގަށް އަޅަންޖެހޭ ފިޔަވަޅުތައް
8.އިގުތިސާދީ ތަރައްގީއާ ފުދުންތެރިކަން
9.ޒުވާނުން ބާރުވެރިކުރުން
10.އަންހެނުން ބާރުވެރިކުރުވުން
ޑރ.މުޢިއްޒު ވިދާޅުވީ ގެދޮރުވެރިކަމަކީ ކޮންމެ ދިވެހި ރައްޔިތެއްގެ އަސާސީ ހައްގެއް ކަމަށާއި އޭނާގެ ސަރުކާރެއްގައި ގެދޮރުވެރިކަން ފޯރުކޮށްދިނުމުގައި ތަފާތެއް ނުކުރެވޭނެ ކަމަށާއި ކުޑަރަށެއް ބޮޑު ރަށެއް ބެލުމެއްނެތި “އިރާދަކުރެއްވިއްޔާ ގެދޮރުވެރިކަން ބޭނުންވާ ހުރިހާ ރައްޔިތުންނަށް“ އެކަން ހާސިލްކޮށްދެއްވާނެ ކަމަށެވެ.
One Response
Gedhorakee abadhuves e beynunvaa meehaa earn kuran jehey ehcheh kamah alhugandu dhekenee. Zero bank interest ga abadhuves supply vefa innanjehey kameh eii. Ekan egothah nethun eii kureega ofeehaa havaaluvi beyfulhunge fahathuga in fiyavalheh. Housing loan hahdhavaa zero interest ge loan akah, eyrakah enmen Hulhumale ah dhaakah beynumeh nuvaane.
Alhugandakee raajjeyge rashehge meehakah vaahindhu alhugandah ingey thee akee nunkan kankolhuthakah enme beynunvaa kamakee!
(Ahaa alhugandu kairee eyrun varah saafukon kiyaidheynan. Eyrah dharaneege massala in raajje salaamaiy vefa fudhuntheri ves vaane).