އަންނަ މަހު އޮންނަ ރިޔާސީ އިންތިޚާބުގައި ވޯޓުލުމަށް 580 ވޯޓުފޮށި ބެހެއްޓުމަށް މިހާރު ނިންމާފައި ވާކަމަށް އިލެކްޝަންސް ކޮމިޝަނުން ބުނެފިއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި އިލެކްޝަންސް ކޮމިޝަންގެ ނާއިބު ރައީސް އިސްމާއީލް ހަބީބު ވިދާޅުވީ ރިޔާސީ އިންތިޚާބުގައި ވޯޓުލުމަށް ކުރިން 609 ފޮށި ބަހައްޓާގޮތަށް ހަމަޖެހިފައިވީނަމަވެސް އެ ޢަދަދު މިހާރު ގާތްގަނޑަކަށް 580 ފޮށްޓަށް މަދުކުރެވިފައި ވާކަމަށެވެ.
ނަމަވެސް ވޯޓުފޮށި ބެހެއްޓުމަށް ކަނޑައަޅާ ޢަދަދު ޔަގީންވާނީ ކުރިން ވޯޓުލާން ހަމަޖެހިފައިވާ ތަންތަނުގައި ވޯޓުފޮށި ނުބެހެއްޓުމަށް އިލެކްޝަނުން ނިންމުމުގެ ސަބަބުން އެ ތަންތާގައި ރީ ރަޖިސްޓްރީވި ފަރާތްތައް އެހެން ތަންތަނުގައި ރީރަޖިސްޓްރީ ކޮށް ނިމުމުން ކަމަށް ވެސް ހަބީބު ވިދާޅުވިއެވެ.
