މާލެސިޓީގެ ގެއަކުން ވަށްކަން ކުރި ކަމަށް ތުހުމަތު ކުރެވޭ މައްސަލައަކާ ގުޅިގެން ދެ މީހަކު ހޯދަން އެ މީހުންގެ ވީޑިއޯ އާންމު ކޮށްފިއެވެ.
ފުލުހުން އާއްމުކޮށްފައިވާ ވީޑިއޯއިން ފެންނަނީ ހުދުކުލައިގެ ޓީޝާޓަކާއި ޖިންސެއް ލައިގެން ހުރި ޒުވާނަކު ގެއަކަށް ވަންނަ މަންޒަރެވެ. އޭނާ އެ ގެއަށް ވަންނަމުން މޫނުގައި މާސްކް އަޅައެވެ. ދެން ފެންނަނީ އަތްދިގު ޓީޝާޓަކާއި ޖިންސެއް ލައިގެން ކަޅުކުލައިގެ ދަބަހެއް ކޮޑުގައިއ އަޅައިގެން ހުރި އެހެން ޒުވާނަކު މަގުމަތިން ގެ އެއްގެ ބޭރު ދޮރުން އެތެރެއަށް އަތް ދިކޮށްލުމަށްފަހު ގޭސްފުޅިއެއް ނެރޭ މަންޒަރެވެ.
ފުލުހުން ބުނީ ވީޑިއޯއިން ފެންނަ ދެ މީހުންނަކީ މާފަންނު ގެއަކުން ވައްކަންކޮށްފައިވާ މައްސަލައަކާ ގުޅިގެން މާފަންނު ޕޮލިސް ސްޓޭޝަނުން ކުރަމުންދާ ތަހުގީގަށް ހޯދަން ބޭނުންވާ ދެމީހުންކަމަށެވެ. އަދި ފުލުހުން މިހާތަނަށް ކުރި މަސައްކަތުން އެމީހުން ދެނެގަނެވިފައިނުވާކަމަށް ވެސް ފުލުހުން ބުނެއެވެ.
ވީޑިއޯއިން ފެންނަ މީހުންނާ ބެހޭ އެއްވެސް މައުލޫމާތެއް ލިބިފައިވާނަމަ މާފަންނު ޕޮލިސް ސްޓޭޝަންގެ ނަންބަރު 9660183 އަށް ގުޅައި މައުލޫމާތު ހިއްސާކުރުމަށް ފުލުހުން އެދެމެވެ.
