އައްޑޫ ލިންކް ރޯޑުގައި ރޭ ފަތިހު ހިނގި އެކްސިޑެންޓެއްގައި އަނިޔާވި އުމުރުން 59 އަހަރުގެ ފިރިހެން މީހާ ފަރުވާ ދެމުން ދަނިކޮށް ނިޔާވެއްޖެއެވެ.
އެކްސިޑެންޓުގައި މަރުވެފައި ވަނީ ސ. ހިތަދޫ، ނަޔާބު، ހަސަން އަލީ އެވެ. އޭނާ އެކްސިޑެންޓުވީ ގަމަށް ޑިއުޓީއަށް ދިޔަ މަގުމަތީގައި ހިތަދޫ ގައުކެޑި ސަރަހައްދުން ކަސްރަތު ކުރުމަށް ނިކުމެ އުޅުނު މީހެއްގެ ގައިގައި އޭނާ ދުއްވި ސައިކަލު ޖެހިގެން ކަމަށްވެ އެވެ.
އެކްސިޑެންޓްގައި އޭނާގެ ބޮލަށާއި މޫނަށް ބޮޑެތި އަނިޔާތަކެއް ވަނީ ލިބިފައެވެ. އޭނާ އަށް ފަރުވާ ދެމުން ގެންދިޔައީ އައްޑޫ އިކްއެޓޯރިއަލް ހޮސްޕިޓަލްގެ އައިސީޔޫގައެވެ.
އައްޑޫ އިކުއިޓޯރިއަލް ހޮސްޕިޓަލުން ބުނީ އެކްސިޑެންޓުވެގެން އެމީހާ އިއްޔަ ފަތިހު އެ ހޮސްޕިޓަލަށް ގެނައި 5:45 ހާއިރެވެ. ހޮސްޕިޓަލަށް އެމީހާ ގެނައި އިރުގަ ވެސް ބޮޑު ބަޔަަކަށް ވަނީ ގެޢްލުން ލިބިފައި ކަމަށްވެސް އައްޑޫ އިކްއެޓޯރިއަލް ހޮސްޕިޓަލް އިން މައުލޫމާތު ދެއެވެ.
މި އެކްސިޑެންޓުގައި ކަސްރަތަށް ނިކުމެ އުޅުނު މީހާއަށް މާބޮޑު އަނިޔާއެއް ލިބިފައިނުވާ ކަމަށްވެ އެވެ.
One Response
ސައިކަލުން ޖެހުނު މީހާއަށް އެނިޔާއެއްނުވޭ؟ ސައިކަލު ދުއްވާފާގޮސް އެމީހާގައިިި ޖެއްސި މީހާ މަރުވީ. ކިހިނެއްއެވީ. ތިއީ ރަނގަޅު ޚަބަރެއްތޯއެވެ. ކޮންމެހެނެއް ނަމަވެސް ފުރާނައެއް ދިޔަކަމީ ދެރަކަމެކެވެ.