ރާއްޖެއިން ކޯވިޑް19 އަށް އިތުރު 386 މީހަކު ފައްސިވެއްޖެއެވެ. މިއަދު ފެނުނު ކޭސްތަކުގެ ތެރެއިން 198މީހަކު ފައްސިވެފައިވަނީ މީހުން ދިރިއުޅޭ ރަށަކުންނެވެ.އަދި ރިސޯޓްތަކުން 6 މީހަކާއި ސިނާޢީ މަސައްކަތް ކުރާ ރަށަަކުން 77 މީހަކުވަނީ ފައްސިވެފައެވެ.އަނެއް 105 ކޭސް ފެނިފައިވަނީ މާލެ ސަރަހައްދުންނެވެ.
މިއަދުގެ ރެކޯޑްތަކާއި އެކު ފައްސިވީ މީހުންގެ ޖުމްލަ އަދަދު މިހާރުވަނީ 28,588 އަށް އަރައިފައެވެ. އޭގެ ތެރޭގައި، 4,009 އެކްޓިވް ކޭސް ހިމެނޭއިރު 119 ފަރާތަކަށް ދަނީ އެޑްމިޓް ކޮށްގެން ފަރުވާ ދެމުންނެވެ.
މިހާތަނަށް ރާއްޖެ އިން 71 މީހަކުވަނީ މި ބަލީގައި މަރުވެފައެވެ. އަދި 24,499 މީހަކު ވަނީ މިބަލިން ރަނގަޅުވެފައެވެ.
