އުމުރުން 25 އަހަރުގެ ޓޮމް ލަމްބޯން އަކީ ޕެންޒެންސްގެ ރަށެއް ކަމުގައިވާ ނިއުލީންގައި ދިރިއުޅެމުންދާ އާދައިގެ މަސްވެރިއެކެވެ. އޭނާ މި ނޫކުލައިގެ އިހި ހިފާފައި ވަނީ އިނގިރޭސިވިލާތުގެ ކޯންވޯލްގެ ވަށައިގެންވާ ފަރުގައި މަސްވެރިކަން ކުރުމަށް ގޮސް ކުރި މަސައްކަތުގައެވެ.
އޭނާއަށް ހިފި ނޫކުލައިގެ އިއްސަކީ ވަރަށް މަދުން ނޫނީ ނުހިފޭ އެއްޗެކެވެ. މީގެ އިހި ހިފެނީ ދެމިލިއަން ފަހަރުން އެއްފަހަރުކަމަށް ކަމުގެ މާހިރުން ބުނެއެވެ. މި ނޫކުލައިގެ އިހީގެ ދިގުމިނަކީ އެއް ފޫޓެވެ.
ޓޮމް ލަމްބޯން ވަނީ އިހި ހިފުމަށްފަހު އޭގެ ފޮޓޯއެއް ނަގާފައެވެ. އަދި އެއަށްފަހު އޭނާ އެ އިހި ދޫކޮށްލީއެވެ. އޭނާ އެ އިހި ދޫކޮށްލީ އެއްގަމަށް ނެގޭ ވަރަށް ވުރެ ސައިޒު ކުޑަވީމައެވެ.
