ކޮރޯނާ ވައިރަހުގެ ސަބަބުން ދުޔޭގެ އެކި ކަންކޮޅުތަކުގައި ހަރުކަށި ގަވައިދުތައް ކަނޑައަޅާފައި ވަނިކޮށް އެއަށް ބެލުމެއްނެތި މިދިޔަ ހޯމަ ދުވަހު ގިނަ ގައުމުތަކެއްގައި ބޮޑެތި އެއްވުންތަކެއް ބާއްވާފައިވެއެވެ. އެ ހިނގާލުންތައް ބާއްވާފައި ވަނީ ބައިނަލްއަގުވާމީ އަންހެނުންގެ ދުވަހުގެ މުނާސަބަތުގައެވެ.
އޭޝިއާ އާއި މެދުއިރުމަތީގެ ގައުމުތަކުގެ އިތުރަށް ޔޫރަޕުގެ އެކި ސަރަހައްދު ތަކުގައި އަންހެނުންގެ ދުވަސް ފާހަގަ ކުރުމުގެ ގޮތުން ގިނަ ބަޔަކު ވަނީ ސުލްހަވެރި ހިނގާލުންތަކެއް ބާއްވާފައެވެ.
ޖިންސީ ތަފާތުކުރުންތަކާއި އަންހެނުންނަށް ދެވޭ އަނިޔާތައް ހުއްޓުމަށް އެދި ހިނގާލުމުގެ ބައިވެރިން ވަނީ އަޑުއުފުލާފައެވެ.
މުޅި ދުނިޔެއަށް ދިމާވެފައި ވާ ކޮވިޑް-19ގެ މުސީބާތުގެ ސަބަބުން ހާލުގަ ޖެހިފައިވާ ގިނަ އަންހެނުންނަށް އެހީތެރިވުމަށްވެސް ހިނގާލުމުގެ ބައިވެރިން ގޮވަމުން ދިޔައެވެ.
One Response
ކޮންމެ ދުވަހަކީވެސް ދުވަހެއް ކަމުގައި ބަލަމާހިނގާށެވެ. ވަކި ވާކަމެއް ހަމަ ހަރާމް. އަންހެނުން ރޭޕުކުރުމާއި ރޭޕުކޮށްފާ މެރުމާއި އިއްފަތްފޭރިގަތުމާއި ވިއްކުމާއި ދެން މިހެންގޮސް ބައިވަރު ޖަރީމާތަކެވެ. މީހުން އިސްލާޙުވާންވީއެވެ. ފައިސާ ދީގެން ހިންގޭ އެންޖީއޯ ތަކުން ޙަރާމް ވާނެ މާ މޮޅެއް.