ކޮވިޑް-19: ފައްސިވި މީހުން ރެކޯޑް އަދަދަކަށް ދަށްވެއްޖެ

12

އެޗްޕީއޭ އިން ހޮނިހިރު ދުވަހުގެ ރޭ އާންމުކުރި ކޮވިޑް19ގެ ތަފާސް ހިސާބުތަކުން ދައްކާ ގޮތުން ހުކުރުދުވަހުގެ އިރުއޮއްސި 18:00 އާއި ހަމައަށް ފާއިތުވި 24 ގަޑިއިރުގެ ތެރޭގައި ރާޢްޖެ އިން ނެގި 2،012 ސާމްޕަލްގެ ތެރެއިން ފައްސި ވެފައިވަނީ އެންމެ 16 ސާމްޕަލެވެ.

މާލެ ސަރަހައްދުން ނުވަ މީހަކު ޕޮޒިޓިވްވިއިރު، އަތޮޅު ތެރެއިން ފަސް މީހަކު ޕޮޒިޓިވްވިއެވެ. އަދި ރިސޯޓުތަކުން ދެ މީހަކު ޕޮޒިޓިވްވިއެވެ. ހޮނިހިރު ދުވަހު ޕޮޒިޓިވްވި މީހުންނާއެކު ރާއްޖެއިން ކޮވިޑަށް ޕޮޒިޓިވްވި ޖުމްލަ މީހުންގެ އަދަދު ވަނީ 13،159 އަށް އަރާފައެވެ.

ރާއްޖެއިން މިހާތަނަށް ވަނީ 253،946 މީހުންގެ ސާމްޕަލް ޓެސްޓްކޮށްފަ އެވެ.

އެކްޓިވް ކޭސްގެ ގޮތުގައި 841 ކޭސް ރިޕޯޓްކޮށްފައިވާއިރު މިހާތަނަށް ރާއްޖެއިން ބަލިން ފަސޭހަވި މީހުންގެ އަދަދަކީ 12،264 އެވެ.

އެޗްޕީއޭއިން ބުނިގޮތުގައި މިވަގުތު ހޮސްޕިޓަލުގައި 79 މީހަކަށް ދަނީ ފަރުވާދެމުންނެވެ. ރާއްޖެއިން މިހާތަނަށް ކޮރޯނާ ވައިރަސް ޖެހިގެން މަރުވެފައިވަނީ 47 މީހުންނެވެ.

 

ހިޔާލު ދެއްވާ

މިތަނުގައި ހިޔާލު ލިޔުއްވާ
ނަން ލިޔުއްވާ