ބޭނުންވާ ތަކެތި:
1 ކިލޯ ކުކުޅުފައި
1 ޕްލެއިން ޔޯގަޓް
2 މޭޒުމަތީސަމުސާ ކުކުޅުހަވާދު
1 ސައިސަމުސާ ލޮނުމިރުސްހަވާދު
2/1 ސައިސަމުސާ ރީނދޫ
ބޮޑު ފިޔައެއް
4 ލޮނުމެދު
1 އިންޗީގެ އިނގުރުކޮޅެއް
2 ހިކަނދިފަތް
2/1 ސައިސަމުސާ މުގުރި އަސޭމިރުސް
1 ސައިސަމުސާ ލޮނު
1 މޭޒުމަތީސަމުސާ ތެޔޮ
ތައްޔާރުކުރާނެ ގޮތް:
ކޮންމެ ކުކުޅުފައެއްގެ ދެފަރާތުގައި ޅިޔަ އަޅާށެވެ. 1 ލޮނުމެދާއި 2/1 އިންޗީގެ އިނގުރު ގާނާލާށެވެ. އޭގެތެރެއަށް ކުޑަ ލޮނުކޮޅެއް، މުގުރި އަސޭމިރުސް އަޅައި އެއްކޮށްލާފައި ކުކުޅުފައިތަކުގައި ހާކާލާށެވެ. އެއަށްފަހު ކެއްކުމުގެ ކުރިން މަދުވެގެން 30 މިނިޓުވަންދެން މަތިޖަހާފައި ކުކުޅުފައިތައް ބަހައްޓާލަންވާނެއެވެ.
ފިޔާ ތުނިކޮށް ކޮށާލާށެވެ. އިނގުރާއި ލޮނުމެދު ގާނާލާށެވެ. އެއަށްފަހު ހިކަނދިފަތް އަޅައިގެން މަޑުގިނީގައި ފިޔާގަނޑު މީރުކޮށްލާށެވެ. ފިޔާގަނޑު މިލައިލުމުން ރީނދޫ، ލޮނު، ހަވާދު އަދި ޔޯގަޓް އަޅައިގެން ޕޭސްޓްގަނޑަކަށް ވަންދެން އެއްކޮށްލާށެވެ. އެއަށްފަހު ތައްޔާރުކުރި ކުކުޅުފައިތައް އެއަށް އަޅާލައި އެއްކޮށްލާފައި، މެދުގިނީގައި މަތިޖަހައިގެން ކައްކާލާށެވެ. މިނިޓަކު އެއްފަހަރު ކުކުޅުފައިތައް ފުށުންޖަހާލަންވާނެއެވެ. ގާތްގަނޑަކަށް ބައިގަޑިއިރުން ރޯފިލާނެއެވެ.
މާބޮޑަށް ހިކިނަމަ ފެންފޮދެއްޖަހައިގެން ބޭނުންވަރަކަށް ދިޔާކޮށްލެވިދާނެއެވެ.
