މިއީ ހަގީގީ ވާހަކައެކެވެ.
އަހަރެންގެ ރައްޓެހި އަންހެންކުއްޖަކު އަހަރެންގެ ކިބައިން ދާދިފަހުން ފައިސާގެ އެހީ އަކަށް އެދުނެވެ.އަނބުރާ ދޭނެ ކަމަށް ވައުދު ވަމުންނެވެ.އޭނާއަކީ ބުރަކޮށް މަސައްކަތް ކުރާ ޒުވާނެކެވެ.އަދި މީގެ ކުރިން އޭނާ އަހަރެންގެ ކިބައިން އެއްވެސް އެހީއަކަށް އެދިފައެއް ނުވެއެވެ.
އޭނާކިޔާދީފައިވާ ގޮތުގައި އޭނާގެ މައިންބަފައިން ވަނީ މަރުވެފައެވެ.އެހެން ކަމުން ހުރިހާ ކަމެއް ކުރަމުން ގެންދަނީ އަމިއްލައަށެވެ.
ކީއްވެގެން ކަމެއް ނޭގެއެވެ.އެދުވަހު އޭނަކައިރީ އަހަރެން ފައިސާދޭނީ ޝަރުތެއްގެ މަތިން ކަމަށް ބުނެވުނެވެ. އެޝަރުތަކީ އަހަރެންނާއެކީ ނިދުމެވެ.އަހަރެން އެހެން ބުނުމުން އޭނަރޯން ފެށިއެވެ.އަދި އެހެން ގޮތެއް ނެތްތޯ ސުވާލުކުރިއެވެ.
އާންމުގޮތެއްގައި އަންހެނަކު ރޯތަން ދެކެން އަހަރެންނަށް ވަރަށް އުނދަގުލެވެ.ނަމަވެސް އެވަގުތު އަހަރެންނަށް ވެފަހުރި ގޮތެއްވެސް އަހަރެންނަކަށް ނޭގެއެވެ. އަހަރެން ބޭނުންވީ އޭނަގެ ރީތި ހަށިގަނޑުން އުފާހޯދާށެވެ.އަހަރެން އެކަމަށް ބޭނުންވެފައި ހުރިވަރުން އޭނާއަށް އެކަން ކުރުން ނޫންގޮތެއް ނެތް ކަހަލައެވެ.އެންމެ ފަހުން އޭނާއެއްބަސް ވިއެވެ.
އޭނާއަކީ ވަރަށްވެސްރީތި މަޑުމައިތިރި ވާހަކަ މަދު އަންހެނެކެވެ.އަހަރެންގެ ރަހުމެއް ނެތް އަމަލުގެ ތެރޭންވެސް އަހަރެންނަށް ފެނުނީ އޭނާގެ ދެލޮލުން ކަރުނަ ފައިބަމުން ދިޔަ މަންޒަރެވެ.އެމަންޒަރު މިއަދުވެސް އަހަރެންގެ ހިތަށް ތަދު ކުރެއެވެ.
އެއަމަލު ހިންގުމަށްފަހު އޭނަބޭނުންވި ފައިސާ އަހަރެން އޭނާޔަށް ދިނީމެވެ.އަދި އަހަރެންނާ ދިމާލަށް ބަލާވެސް ނުލާ ދަމުން ޝުކުރިއްޔާ އޭ ބުނެލިއެވެ.
އެދުވަހުން ފެށިގެން އަހަރެންނާ އޭނާ ވާހަކައެއް ނުދައްކައެވެ.
އޭގެ ކުޑަދުވަސް ކޮޅެއްފަހުން އޭނަގެ ސޯޝަލްމީޑިއާ ޕޯސްޓެއް އަހަރެންނަށް ފެނުނެވެ.އޭގައިވަނީ އޭނާގެ ފިރިހެން ކޮއްކޮ އެއް މަރުވި ކަމަށް ބުނެ ކޮއްކޮޔަށް ހެޔޮދުއާކޮށްފައެވެ.ކޮއްކޮ މިސްވާ ވަރުގެ ވާހަކަ ދައްކާފައި ވެއެވެ.އަދި ކޮއްކޮއާއި ނުލާ ދުނިޔޭގައި ވަރަށް ބޮޑަށް އެކަނިވެރިވެފައިވާ ކަމަށް ބުނެފައި ވެއެވެ.
މިޕޯސްޓް ފެނި ތައުޒިއާ ކިޔާ އޭނާއަށް އަހަރެން މެސެޖެއް ފޮނުވީމެވެ. އަދި ކޮއްކޮއަށް ކިހިނެއްވީތޯ ސުވާލުކުރީމެވެ.ނަމަވެސް އޭނަ އަހަރެންގެ މެސެޖެއް ނުހުޅުވައެވެ.އަދި ފަހުން އަހަރެންގެ ނަމްބަރު ބްލޮކް ކުރިއެވެ.
އެހާހަމައިން އަހަރެން އޭނާ އަށް ދިގުމެސެޖެއް ލިޔުނީމެވެ.ހުރިހާކަމެއްވެސް ހިނގަނީ ކަނލާގެ މިންވަރުފުޅުގެ މަތިންކަމަށް ބުނެ އޭނާގެ ހިތްހަމަ ޖައްސާދެވޭތޯ ބެލުމަށެވެ. މެސެޖް ފޮނުވުމާއިއެކީ އަހަރެންގެ ނަމަބްރު ބޮލޮކް ފިލުވާ ހުރިހާ ވާހަކައެއްކިޔާދީފަ ވޮއިސް މެސެޖެއް ފޮނުވިއެވެ.
އޭނާ ކިޔާދިން ގޮތުގައި އަހަރެން އަތުން ފައިސާހޯދީ ކޮއްކޮގެ ސާޖަރީ އަކަށް ބޭނުންވާ ފައިސާ މަދުވެގެންނެވެ.އަހަރެންގެ އަތުން އަތުލީ ހަމައެކަނި އެކަމަށް މަދުވާ ދެހާސް ކަމަށް އޭނާބުންޏެވެ.ނަމަވެސް ފައިސާހިފައިގެން އޭނާއަށް ހޮސްޕިޓަލާ ހަމަޔަށް ދެވުނު އިރު ކޮއްކޮ މަރުވެއްޖެއެވެ.އޭގެ ދިހަ މިނެޓް ކުރިންނެވެ.އަހަރެންގެ އަމިއްލަ އެދުމުގެ ކުރިމަތީގައި ދުލެއް ނުދީ ހިފެހެއްޓުމުން އޭނާއަށް ކުރި އަސަރާ އެޅިވޭން އަހަރެންނަށް އޭނާ ކިޔާދިނެވެ.
އޭގެ ފަހުން އޭނާވަނީ އަހަރެން ދިން ފައިސާ އަނބުރާ އަހަރެންނަށް ފޮނުވާފައެވެ.ނަމަވެސް އޭގެ ފަހުން ހުރިހާ ޕްލެޓްފޯމަކުން އަހަރެން ވަނީ ބްލޮކް ކޮށްފައެވެ.
އޭނާނިސްބަތްވަނީ މުއްސަނދި އާއިލާއަކަށެވެ.ނަމަވެސް އޭނާގެ މައިންބަފައިން މަރުވުމުން އާއިލާގެ މީހުން އައިސް ވަނީ ހުރިހާ އެއްޗެއް ގެންގޮސްފައި ކަން އަހަރެންނަށް އެނގުނެވެ.އެހާހަމައިން އޭނާއާއި އޭނާގެ ކޮއްކޮގެ ހުރިހާކަމެއް ކުރަން ޖެހުނީ އަންހެން ކުއްޖާ އަމިއްލަ އަށެވެ.މީގެ ކުރިންވެސް އޭނާ އަށް ވަނީ އިންތިހާ ދަރަޖައިގެ ހިތާމަޔާވޭން އުފުލަން ޖެހިފައެވެ.
އަހަރެންނަށް ކުރެވުނު ކަންތަކާދޭތެރޭ އަހަރެން މިއަދު ވަރަށް ހިތާމަ ކުރަމެވެ. އެކަމާ ފިކުރު ކޮށްކޮށް އަހަރެންނަށް ވަނީ ރޭގަނޑު ނިދުމަށް އުނދަގޫ ވެފައެވެ.އަހަރެންނަށް އެއްގޮތަކަށްވެސް ހަމަޖެހުމެއް ނުލިބެއެވެ.މައްސަލަ އިތުރަށް ގޯސްވީ އަހަރެންގެ އެހެން ރައްޓެއްސަކު މަގޭ އަންހެން ފްރެންޑަށް ދިމާވި ގޮތުގެ ވާހަކަ ދެއްކުމުންނެވެ. އަހަރެންނަށް ފުރަތަމަވެސް މިދައްކަނީ އޭނާގެ ވާހަކަ ކަން އެނގުނެވެ.
އަހަރެންނަށް ވަނީ އަންހެން ފްރެންޑް ދެކެ ލޯބިވެވިފައިކަން އަހަރެންނަށް އިހުސާސް ކުރެވުނީ އެހާހަމައިންނެވެ.ނަމަވެސް އޭނާ އަހަރެންނަށް ކުރާނީ ނަފްރަތު ކަންވެސް އަހަރެންނަށް އެނގެއެވެ.މިއަދު އޭނާގެ ކިބައިން މައާފަށް އެދެން އަހަރެން ވަރަށް ބޮޑަށް ބޭނުމެވެ.ނަމަވެސް މިކަން ކުރާނެ ގޮތެއް އަހަރެންނަކަށް ވިސްނާ ވިސްނާވެސް ނޭގުނެވެ.
ތިބާނަމަ ކަންތައް ކުރާނީ ކިހިނެއް ހެއްޔެވެ؟ އަހަރެންނަށް އޭނާއަށް ދެވުނު އަނިޔާގެ ބަދަލު އަހަރެންނަށް ދުވަހަކުވެސް ދެވިދާނެހެއްޔެވެ؟
One Response
aharen maafah edhi allah ah thaubaa vumah fahu eynaa ruheny kaiveni kuraa ny