ފެނަކަ ކޯޕަރޭޝަނުން 14 މަސް ދުވަހުގެ ތެރޭގައި 44 މިލިއަން ރުފިޔާ އަމިއްލަ ކުންފުންޏަކަށް ދައްކަން ކޯޓުން ހުކުމްކޮށްފިއެވެ.
އެގޮތުން ކްލެސިކޯ ލިމިޓެޑް ކިޔާ އަމިއްލަ ކުންފުންޏަކުން ފެނަކައާ ދެކޮޅަށް ކުރި މި ދައުވާގައި ސިވިލް ކޯޓުން ކުރި ހުކުމުގައި ވަނީ އެ ކުންފުނިން ފެނަކައަށް ފޯރުކޮށްދީފައިވާ މުދަލަށްވާ 44 މިލިއަން ރުފިޔާ ދައްކަން ހުކުމްކޮށްފައެވެ.
މި މައްސަލައިގައި ސިވިލް ކޯޓުން ނިންމާފައިވަނީ ފެނަކައާއި ކްލެސިކޯ އާ ދެފަރާތުން އެއްބަސްވި ގޮތަށް 14 މަސް ތެރޭގައި 44 މިލިއަން ރުފިޔާ ކްލެސިކޯއަށް ފެނަކައިން ދައްކައި ހަލާސް ކުރަންޖެހޭނެ ކަމަށެވެ.
ފެނަކައަކީ ދައުލަތުގެ ކުންފުނިތަކުގެ ތެރެއިން އެންމެ ބޮޑު ދަރަންޏެއް ދައްކަން ޖެހިފައިވާ އެއްކުންފުންޏެވެ.
