”މިސް އެމެރިކާ“ގެ މަގާމަށް ފާއިތުވި އަހަރުތަކުގައި އާންމުކޮށް ދޮން އަންހެނުން ހޮވުނަސް މިއަހަރު އެމަގާމަށް ކަޅު އަންހެނަކު ހޮވިއްޖެއެވެ. މިއީ ކަޅު ނަސްލުގެ އަންހެނަކަށް އެ މަގާމު ލިބުނު ފުރަތަމަ ފަހަރެވެ. އަދި މިއީ އެމެރިކާގެ ކަޅު ނަސްލުގެ މީހުންނަށް ލިބުނު ޝަރަފެކެވެ. އަދި މުޅި އެމެރިކާއަށް ލިބުނު ސިހުމެކެވެ.
މިސް އެމެރިކާގެ ތާޖު ހޯދި އަސްޔާ ބްރާންޗަކީ މިސިސިއްޕީ ޔުނިވަސިޓީގެ ދަރިވަރެކެވެ. މިސް އެމެރިކާގެ މަގާމަށް އަސްޔާ ހޮވުމާ ގުޅިގެން މިސް ޔުނިވާސް ހޮވުމަށް ބާއްވާ މުބާރާތުގައި އެމެރިކާ ތަމްސީލު ކުރާނީ އުމުރުން އެންމެ 22 އަހަރުގެ އަސްޔާއެވެ. އޭނާ ވަނީ މިސިސިއްޕީގެ ރީތީގެ މުބާރާތް ވެސް ކާމިޔާބުކޮށްފައެވެ.