ދެކުނު ކޮރެޔާގެ އެއާޕޯޓަކަށް ޖައްސަން އުޅުނު މަތިންދާބޯޓެއް މަގުން ކައްސާލާ ބޯޓުގައި އަލިފާން ރޯވުމުގެ ސަބަބުން 120 މީހުން މަރުވެއްޖެ ކަމަށް ހަބަރު ލިބެއެވެ.މިހާދިސާ ހިނގާފައިވަނީ މިއަދު ހެނދުނު އެތާގަޑިން 9 ޖެހިއިރުއެވެ.މަރުވިކަން އަދި ޔަގީން ވެފައިވަނީ 120 މީހުން ކަމުގައި ވީނަމަވެސް މިއަދަދު އަދި ވަރަށް ބޮޑަށް މައްޗަށް ދާނެކަމަށް ދަނީ ބެލެމުންނެވެ.

ބެންކޮކުން ފުރައިގެން ދަތުރުކުރި ޖެޖޫ އެއާ ގެ ބޯޓު އުޅުނީ މުއާން އެއާޕޯޓްގައި ޖެއްސުމަށެށެވެ.ނަމަވެސް އޭގެ ކުރިން ބޯޓު ވަނީވެއްޓި އަދި ރަންވޭއިން ކައްސާލައިގެންގޮސް ފާރެއްގައި ޖެހި ބޯޓުގައި އަލިފާން ރޯވެފައެވެ.ބޯޓުން ދަތުރުކުރި 181 މީހުން ގެތެރޭގައި ހިމެނެނީ 175 ފަސިންޖަރުންނާއި 6 ކްރޫއެވެ. މީގެ ތެރެއިން އަދި މަރުނުވެ ސަލާމަތް ކުރެވިފައިވަނީ ދެމީހުންނެވެ.އެއީ ކްރޫ މެމްބަރުންނެވެ.
ބޯޓުވެއްޓެން ދިމާވި ސަބަބެއް ޔަގީން ވެފައި ނުވިނަމަވެސް ފަޔާ ސަރވިސަސް އިން ބުނެފައިވަނީ ބޯޓް ވެއްޓުނީ ދޫނި ތަކެއްގައި ޖެހުމުންނާއި މޫސުން ގޯސްވުމުގެ ސަބަބުންކަމަށް ލަފާކުރެވޭ ކަމަށެވެ.
ޖެޖޫ އެއާ އަކީ އަގުހެޔޮ އެއާލައިނެއް ކަމުން ގިނަބަޔަކު އެ އެއާލައިނުން ދަތުރު ކުރެއެވެ.
ވެއްޓުނު ބޯޓަކީ ބޮއިންގ މަރުކާގެ ބޯޓެއް ކަމުން އެކުންފުނީގެ ފަރާތުން ވަނީ މައާފަށް އެދިފައެވެ.
ޖެޖޫ އެއާގެ ސީއީއޯ އަދި ކުންފުނީގެ ވެރިންވެސް ވަނީ މަރުވި މީހުންގެ އާއިލާގެ ކިބައިން މައާފަށް އެދިފައެވެ.އަދި މިވަގުތު އެންމެ އިސްކަމެއް ދޭނީ މަރުވި މީހުންގެ އާއުލާތަކަށް އެހީތެރިކަން ފޯރުކޮށްދިނުމަށް ކަމަށް ބުނެފައި ވެއެވެ.
ދެކުނު ކޮރެޔާގެ އެކްޓިންގ ރައީސް ޗޮއިސަންގ މޮކް ވަނީ ބޯޓް ވެއްޓުނު ހާދިސާ ހިނގި ސައިޓަށް ވަޑައިގެންފައެވެ.އަދި ރެސްކިއު މަސައްކަތަށް ބޭނުންވާ އިންސާނީއެހީ،އިކްއިޕްމަންޓް އަދި ފަރުވާގެ ކަންކަން ހަމަޖައްސާދިނުމަށް އަމުރު ކުރައްވާފައިވެއެވެ. އަދި މަރުވި މީހުންގެ އާއިލާ ތަކަށް ވެދެވެން ހުރި ހުރިހާސަޕޯޓެއް ވެދެއްވާނެކަމަށް ވިދާޅުވެފައި ވެއެވެ.
މިސްޓަރ ޗޮއި ވަގުތީ ރައީސްކަމަށް އައްޔަން ކޮށްފައިވަނީ ހުކުރު ދުވަހުއެވެ. އެއީ ކުރިން ހުންނެވި ރައީސް އަދި އެއަށްފަހު ވަގުތީ ރައީސްއަކުވެސް އިތުބާރުނެތް ކަމުގެ ވޯޓްނަގާ ވަކިކުރުމަށް ފަހުއެވެ.